ღვთისმშობლის ეს წმინდა ხატი ამბროსი ოპტელის კურთხევით დაიხატა 1890 წელს და სწორედ ამ ხატითვე აკურთხეს ახალდაარსებული ყაზანის ღვთისმშობლის ხატის სახელობის შამორდინოს დედათა მონასტერი.
ხატზე გამოსახულია ღრუბლებზე მჯდომარე ღვთისმშობელი და ხელებიც კურთხევის ნიშნად აქვს განპყრობილი. ქვემოთ, პურის ყანაში ყვავილებსა და ბალახს შორის ძნები მოჩანს.
როდესაც ხატს სახელად პურთათვის სიუხვის მომნიჭებელი უწოდა, წმინდა მამას სურდა ეჩვენებინა, რომ დედა ღრმთისა ადამიანებს არა მარტო სულიერ ხსნას ჰმადლებს, არამედ ფიზიკურ წარმატებასა და ღვაწლშიც ეხმარება. ღირს მამას ძალზე უყვარდა ეს ხატი და მის წინაშე ლოცვა სთხოვა და უანდერძა სულიერ შვილებსაც.
ხატთან არაერთი სასწაულია აღსრულებული და დღემდე კვლავ აღესრულება.
აღსანიშნავია ის ფაქტი, რომ ხატმა ერთ-ერთი პირველი დიდი სასწაული სწორედ შამორდინოს სავანეზე გარდმოავლინა რუსეთის შიმშილობის წელს, რამდენადაც მონასტრის ველებსა და მთელ მოსახლეობას მდიდარი მოსავალი მოჰმადლა.
მასალა მოამზადა: თორნიკე ყრუაშვილმა
