გუშინ 24 წელი შესრულდა ბერლინის კედლის დანგრევიდან, რამაც საბოლოო წერტილი დაუსვა ცივ ომს და გერმანია გააერთიანა.
გუშინ დილიდანვე ბერლინელებმა და მისმა სტუმრებმა ყოფილი კედლის ადგილს მიაშურეს და ყვავილების მიტანით მოიგონეს აღმოსავლეთ გერმანიიდან დასავლეთ გერმანიაში გაქცევის მცდელობისას დაღუპულთა სულები.
მეორე მსოფლიო ომის დასრულების შემდეგ ორად გაყოფილი ბერლინის კედელი აგებულ იქნა 1961 წელს და წლების განმავლობაში ცივი ომის მთავარ სიმბოლოს წარმოადგენდა, ხოლო 1989 წლის 9 ნოემბერს იგი დანგრეულ იქნა და მსოფლიო დემოკრატიზაციის ახალ ეტაპზე გადავიდა.
11.11.13
