რა პრობლემები შეიძლება, გამოიწვიოს ძილის დარღვევამ – ფსიქოლოგის განმარტება 

დღეს ბევრი ადამიანისგან გვესმის, რომ მას აწუხებს ძილის დარღვევა, ძილის დროს შფოთვა, რაც მის ყოველდღიურობასა და პროდუქტიულობაზე უარუოფით გავლენას ახდენს. შესაძლებელია თუ არა, ექიმის ჩარევის გარეშე მოწესრიგდეს ეს მოცემულობა და რა არის ის ძირითადი პრობლემები, რასაც უძილობა იწვევს – „თბილისი თაიმსს“ ფსიქოლოგი, მარიამ იველაშვილი ესაუბრა.

რა არის ის ძირითადი მიზეზები, რის გამოც ადამიანს უძილობა აწუხებს?

არსებობს მრავალი მდგომარეობა, დაავადება და დარღვევა, რამაც შეიძლება, გამოიწვიოს ძილის დარღვევა. ხშირ შემთხვევაში, ძილის დარღვევა ვითარდება ჯანმრთელობის ძირითადი პრობლემის შედეგად, როგორიცაა:
➢ ალერგიები და რესპირატორული სისტემის პრობლემები;
➢ ჰორმონალური დისბალანსი და საშარდე გზების დაავადებები;
➢ ქრონიკული ტკივილები, როგორიცაა: ართრიტი, ქრონიკული დაღლილობის სინდრომი, ფიბრომიალგია, ნაწლავის ანთებითი დაავადება, მუდმივი თავის ტკივილი, მუდმივი წელის ტკივილი;
➢ სტრესი და შფოთვა, ძილის პანიკური შეტევები, ძილის დროს სიარული.

სხვადასხვა შემთხვევაში გამოსავალი განსხვავებულია?

ძილის დარღვევების მკურნალობა შეიძლება, განსხვავდებოდეს ტიპისა და გამომწვევი მიზეზის მიხედვით. თუმცა, ის ზოგადად მოიცავს სამედიცინო მკურნალობისა და ცხოვრების სტილის ცვლილებებს. ცხოვრების წესის კორექტირებამ შეიძლება, მნიშვნელოვნად გააუმჯობესოს თქვენი ძილის ხარისხი, განსაკუთრებით მაშინ, როდესაც ისინი კეთდება სამედიცინო მკურნალობასთან ერთად.

რა არის ის მთავარი შედეგები, რაც თან ახლავს ძილის დარღვევას?

ძილის დარღვევებმა შეიძლება, გამოიწვიოს დეპრესია, კონცენტრაციის სირთულე, გაღიზიანებადობა, წონის მომატება, დაქვეითებული შრომისუნარიანობა და სხვა მრავალი, სასიცოცხლოდ მნიშვნელოვანი პრობლემა და გახდეს ფიზიკური ან ფსიქიკური დაავადებების მაპროვოცირებელი, თუ უკვე კომორბიდობაში არაა სხვა დაავადებასთან.

ძილის დარღვევის შემთხვევაში, როდის უნდა მიმართოს ადამიანმა ექიმს?

თუ ეჭვი გაქვთ ძილის დარღვევაში, მნიშვნელოვანია, რომ დაუყოვნებლივ მიიღოთ დიაგნოზი და მკურნალობა. როდესაც არ მკურნალობენ, ძილის დარღვევის ნეგატიურმა შედეგებმა შეიძლება, გამოიწვიოს ჯანმრთელობის მნიშვნელოვანი გაუარესება.

მასალა მოამზადა : მარიამ ტიელიძემ