უკრაინის სასაზღვრო სამსახური აცხადებს, რომ რუსეთის სამხედრო ძალები ქვეყანაში რუსეთისა და ბელარუსის ტერიტორიებიდან შეიჭრნენ.
„სახელმწიფო საზღვარი რუსეთის სამხედროების მიერ რუსეთისა და ბელარუსის ფედერაციების მხრიდან თავდასხმის ქვეშ აღმოჩნდა.
დაახლოებით დილის 05:00 საათისთვის უკრაინის საზღვარი რუსეთის და ბელარუსის ფედერაციების ნაწილში ბელარუსის მხარდაჭერით რუსეთის სამხედროების მხრიდან თავდასხმის ქვეშ აღმოჩნდა. სასაზღვრო დანაყოფებზე, შენაერთებსა და სასაზღვრო გამტარ პუნქტებზე თავდასხმები საარტილერიო, მძიმე ტექნიკისა და სასროლო იარაღის გამოყენებით ხდება – ეს ხორციელდება ლუგანსკის, სუმსკის, ხარკოვის, ჩერნიგოვსკის და ჟიტომირსკის რეგიონებში. გარდა ამისა თავდასხმები ხორციელდება ასევე დროებით ოკუპირებული ყირიმის ტერიტორიიდანაც.
ფიქსირდება მოწინააღმდეგის დივერსიული-სადაზვერვო ჯგუფების სამუშაოები.
მდგომარეობიდან გამომდინარე საზღვრის მონაკვეთებზე სასაზღვრო ძალები უკრაინის სამხედრო ძალებსა და უკრაინის ეროვნულ გვარდიასთან ერთად მტერს ცეცხლს უხსნიან.
საზღვრის დამცველთა დაჭრის შესახებ ინფორმაცია ზუსტდება“, – წერია განცხადებაში.
