რუსი ოპოზიციონერი, ალექსეი ნავალნი რუსეთის უკრაინაში შეჭრას ეხმაურება და ამბობს, რომ ამ ომის წინააღმდეგია.
“ამ ომის წინააღმდეგი ვარ. ვთვლი, რომ ეს ომი, რომელიც რუსეთსა და უკრაინას შორის მიდის, რუსეთის მოქალაქეების ძარცვის გადასაფარად გაჩაღდა. ქვეყანაში არსებული პრობლემებისგან ყურადღების გადასატანად. ეს ომი მოგვიტანს უზარმაზარ მსხვერპლს ყველა მხრიდან. დანგრეულ მომავალს და რუსეთის მოქალაქეების გაღარიბებას. მათი ძარცვის გაგრძელებას იმ კრიმინალური ჯგუფის მიერ, რომელსაც ახლა ძალაუფლება აქვს მიტაცებული“. – აცხადებს ნავალნი.
