საქართველოს მართლმადიდებელი ეკლესია დღეს წმინდა 100 ათასი ქართველი მოწამის ხსენების დღეს აღნიშნავს. ამასთან დაკავშირებით ტაძრებში სადღესასწაულო წირვა-ლოცვა შესრულდება.
როგორც „თბილისი თაიმსს“ დავითიანნიდან აცნობეს, დღეს, 13:00სთ-ზე მეტეხის ხიდზე სრულიად საქართველოს კათოლიკოს-პატრიარქი ილია II გადაიხდის საზეიმო პარაკლისს 100 000 ქართველი მოწამის სახელზე.
როგორც მოგეხსენებათ, მე-13 საუკუნეში, ჯალალ ად-დინის ბრძანებით, წმ. 100 ათასი ქართველი მოწამე ხვარაზმელების მიერ სარწმუნოებისთვის აღესრულა.
ჯალალ ად-დინმა სიონის ტაძრის გუმბათი მოარღვევინა და ბრძანა ზედ თავისი „ბილწი საჯდომლის“ დადგმა. შემდგომ ბოროტებამ ყოველგვარ ზღვარს გადააბიჯა: ჯალალ ად-დინის ბრძანებით სიონის ტაძრიდან გადებულ ხიდზე დაასვენეს და თბილისელებს უბრძანეს „დათრგუნვა პატიოსანთა ხატთა და დატევება სჯულისა“. ვინც ამას არ აღასრულებდა, „წარკუეთა თავთა“ ელოდა.
ასი ათასი ქართველი შეეწირა ამ დღეს წმიდა ხატების თაყვანისცემასა და სარწმუნოების დაცვას, ასი ათასი მოჭრილი თავი და ასი ათასი თავწარკვეთილი სხეული გაატანეს უსჯულოებმა მდინარე მტკვარს. ამ დღიდან ასი ათასი მფარველი შეემატა საქართველოს, რომელთა ხსენება ყოველთვის „ქებით აღესრულების“.
ერთად მივაგოთ პატივი ჩვენს გმირ წმინდან წინაპრებს. გვახსოვდეს მათი ღვაწლი და თავდადება ჩვენი ქვეყნის, ერისა და ეკლესიის წინაშე.
13.11.13
