ევროკავშირის ბიუჯეტზე პასუხისმგებელი მინისტრები ბრიუსელში 16 საათიანი განხილვის შემდეგ 2014 წლის ბიუჯეტზე შეთანხმდნენ. ხარჯებისათვის შეთანხმება მიღწეული იქნება 135,5 მილიარდ ევროზე.
აღნიშნული ციფრი აჩვენებს, რომ 2014 წლის ბიუჯეტი 2013 წლის ბიუჯეთან შედარებით 9,4%-ით არის შემცირებული. ევროკავშირის მინისტრების მიერ ზოგადი ვალდებულებებისათვის შეთანხმებული ციფრი კი 142,6 მილიარდი ევროა, რაც ასევე წინა წელთან შედარებით 9,5%-ით დაბალია.
მომდევნო წლის ბიუჯეტის საკითხზე ევროკავშირის ქვეყნები, ევროკომისია და ევროპარლამენტი ციფრის თაობაზე ვერ თანხმდებოდა. მიღებული ციფრი წევრი ქვეყნების პოზიციებს ასახავს.
შეხვედრის შემდეგ განცხადება გააკეთა ევროკავშირის როტაციული თავმჯდომარე ლიტვის ფინანსთა მინისტრის მოადგილემ ალგიმანტას რიმკუნასმა და აღნიშნა, რომ ”ეკონომიკური ზრდის, დასაქმების, ინოვაციისა და ჰუმანიტარული დახმარების მსგავსი პრიორიტეტული სფეროების დაფინანსების საკიღხში ევროპარლამენტთან მიღწეული შეთანხმებით კმაყოფილები არიან”.
ბრიუსელში მიღწეული შეთანხმება მნიშვნელოვანია ევროკავშირის 2014-2020 წლის მომცველი 7 წლიანი პერიოდის ბიუჯეტის დასამტკიცებლად.
7 წლიანი ბიუჯეტის თაობაზე ევროპარლამენტში გასამართი კენჭისყრა შეუთანხმებლობის გამო 19 ნოემბრისათვის გადაიდო.
13.11.13