რუსეთის მიერ უკრაინაში შეჭრას ამ დრომდე უამრავი მშვიდობიანი მოსახლე ემსხვერპლა. მსოფლიო ლიდერების მიერ რუსეთის წინააღმდეგ ამოქმედებული არაერთი სანქციის პარალელურად, გვესმის განცხადებები და კრიტიკა იმის შესახებ, რომ საქართველო დაწესებულ შეზღუდვებს არ უერთდება.
საკითხს “თბილისი თაიმსთან” საუბრისას პროფესორი, ზაზა ცოტნიაშვილი აფასებს.
“რაც შეეხება საქართველოს პოზიციას არსებულ დიდ გეოპოლიტიკურ, შეიძლება ითქვას, კატასტროფასთან დაკავშირებით – ის არის ძალიან ზომიერი; რა თქმა უნდა, ჩანს როგორც საზოგადოების, ასევე, სახელისუფლებო წრეების მხარდაჭერა უკრაინის მოქალაქეების მიმართ. საქართველოს წარმოჩენა კონფლიქტის მხარედ – იქნებოდა საფრთხის შემცველი ჩვენი ნაციონალური ინტერესებისათვის.
ვართ ძალიან რთულ სიტუაციაში და მე ვფიქრობ, რომ შესაბამისი ანალიტიკური სამსახურები, რომლებიც გადაწყვეტილებების მისაღებად ხელისუფლებას აწვდიან ინფორმაციას, როგორც ჩანს, სწორად აანალიზებენ. მათ კიდევ უფრო მეტი ინფორმაცია აქვთ, ვიდრე – საზოგადოების ფართო წრეებს, ამდენად, ვფიქრობ, ამ შემთხვევაში თავშეკავებული პოზიცია სწორედაც რომ გამართლებულია ჩვენი სახელმწიფოებრივი ინტერესებიდან გამომდინარე და ის ნამდვილად ეყრდნობა შესაბამის ანალიზს”, – ამბობს ზაზა ცოტნიაშვილი.
მასალა მოამზადა : მარიამ ტიელიძემ
