აშშ-ის ყოფილმა პრეზიდენტმა, დონალდ ტრამპმა განაცხადა, რომ 21-ე საუკუნეში ამერიკის ერთადერთი პრეზიდენტია, რომლის დროსაც რუსეთი სხვა ქვეყანაში არ შეჭრილა.
„ბუშის დროს რუსეთი საქართველოში შეიჭრა, ობამას დროს რუსეთმა ყირიმი წაიღო, ბაიდენის დროს რუსეთი უკრაინაში შეიჭრა. 21-ე საუკუნეში აშშ-ის ერთადერთი პრეზიდენტი ვარ, რომლის დროსაც რუსეთი სხვა ქვეყანაში არ შეჭრილა“, – აღნიშნა დონალდ ტრამპმა.
აშშ-ის 45-ე პრეზიდენტმა ასევე ისაუბრა რუსეთის მიერ უკრაინაში შეჭრაზე.
„უკრაინაზე რუსეთის თავდასხმა შემაძრწუნებელი და აღმაშფოთებელია. ეს სისასტიკეა, რომელიც არასდროს უნდა მომხდარიყო. ეს არასდროს მოხდებოდა. ჩვენ ვლოცულობთ უკრაინის ამაყი ხალხისთვის. ღმერთმა დალოცოს ისინი“, – განაცხადა დონალდ ტრამპმა.
