დღეს ღვთისმშობლის დაუჯდომლის შაბათია – რა ლოცვა უნდა წაიკითხოს ყოველმა მორწმუნემ
 

მარხვის მეხუთე შაბათს, ანუ 9 აპრილს, არის ღვთისმშობლის დაუჯდომლის შაბათი.
სწორედ ამ დღეს იკითხება ღვთისმშობლის „დაუჯდომელი“ და მორწმუნეებიც დედაღთისმშობელს განსაკუთრებულ პატივსა და ვედრებას მიაგებენ ხოლმე.
როგორც სხვა ლოცვებს ქრისტიანობაში, დაუჯდომელსაც უდიდესი ძალა აქვს, როდესაც მას ქრისტიანი მთელი რწმენითა და დიდი გულმოდგინებით აღასრულებს.
იხილეთ, ღვთისმშობლის „დაუჯდომელი“
კონდაკი 1
ზესთამბრძოლისა ჩემისათვის, და მოღუაწისა უძლეველისა, ვითარცა შენ მიერ ხსნილნი განსაცდელთაგან, სამადლობელსა შევსწირავთ ღუთისმშობელო ქალწულო შენდა მომართ მონანი შენნი, არამედ ვითარცა გაქუს ძლიერება უბრძოლველი, ყოველთაგან ვნებათა განმათავისუფლენ ჩუენ, რათა გიგალობდეთ შენ კურთხეულო, გიხაროდენ, სძალო უსძლოო.
იკოსი 1
ანგელოსი წინამდგომი, ზეცით მოივლინა ჰრქმად ღმრთისმშობელისად: გიხაროდენ, და უსხეულოსა სიტყვისა სხეულოვან ქმნილისა, შენი მხილველი უფალო განჰკვირდა, და დასდგა მხმობელი ესე ვითართა:
გიხაროდენ, რომლისა მიერ სიხარული გამობრწყინდების,გიხაროდენ, რომლისა მიერ წყევაი მოაკლდების,გიხაროდენ, დაცემულისა ადამის აღდგომაო,გიხაროდენ, ცრემლთა ევასთა ხსნაო,გიხაროდენ, სიმაღლეო ძლით აღსავალო კაცობრივთა გულისსიტყვათაო,გიხაროდენ, სიღრმეო, ძლით სახილველო ანგელოსთაცა თუალებისაო;გიხაროდენ რამეთუ ხარ საყდარ მეუფისა,გიხაროდენ, რამეთუ ჰმტვირთველობ ყოველთა მტვირთველსა,გიხაროდენ, ვარსკულაო მომფენელო მზისაო,გიხაროდენ, წიაღო ღუთისგანხორციელებისაო,გიხაროდენ, რომლისა მიერ განახლდების დაბადებული,გიხაროდენ, რომლისა მიერ თაყუანისიცემების დამბადებელი,გიხაროდენ, სძალო უსძლოო.
კონდაკი 2
მხედველი წმიდა თავისა თვისისა უბიწოებით, ეტყოდა გაბრიელს კადნიერებით: საკვირველებაი ხმისა შენისა ძნიად მისათვალველ უჩნს სულსა ჩემსა, რამეთუ უთესლოისა მიდგომილებისა შობასა წინასწარ იტყვი, მხმობელი, ალილუია.
იკოსი 2
ცნობისა უცნაურისა ცნობასა მეძიებელმან, ქალწულმან ხმაჰყო მსახურისა მიმართ: წიაღთაგან უბიწოთა, ძისა ვითარ არს შობა შესაძრწუნებელი, მითხარ მე, რომლისა მიმართ, იტყოდა იგი შიშით გარნა მხმობელი ესრეთ:
გიხაროდენ, მესაიდუმლეო განზრახვისა გამოუთქმელისაო,გიხაროდენ, წყაროო მქონეო სარწმუნოებისაო,გიხაროდენ, დასაბამო ქრისტეს საკვირველებათაო,გიხაროდენ, თავო ჰსჯულთა მისთაო,გიხაროდენ, კიბეო ზეცისაო, რომლისა მიერ გარდამოხდა ღმერთი,გიხაროდენ, ხიდო წიაღმყუანებელო ქუეყანისათაო ცად მიმართ,გიხაროდენ, ანგელოსთა მრავალგანთქმულო საკვირველებაო,გიხაროდენ, ეშმაკთა მრავალსაგოდებელო წყლულებაო,გიხაროდენ, ნათლისა გამოუთქმელისა მშობელო,გიხაროდენ, თუ ვითარ არა ვისო მსწავლელო,გიხაროდენ, ბრძენთა ზესთა ქმნილო მეცნიერებასა,გიხაროდენ, მორწმუნეთასა განმაბრწყინუებელო მცნობელობასა,გიხაროდენ სძალო უსძლოო.
 
მასალა მოამზადა: თორნიკე ყრუაშვილმა