ანკარაში თურქეთ-აზარბაიჯანის უმაღლესი დონის სტრატეგიული საბჭოს მესამე შეხვედრა გაიმართა.
თურქეთის პრემიერის რ. თ. ერდოღანისა და აზერბაიჯანის პრეზიდენტის ილჰამ ალიევის თანათავმჯდომარეობით გამართულ შეხვედრაზე 7 სხვადასხვა საკითხზე იქნა შეთანხმება მიღწეული და ხელმოწერილი. საბჭოს შეკრების შემდეგ კი ერდოღანმა და ალიევმა ერთობლივი პრესკონფერენცია გამართეს.
ალიევმა თურქეთში ყოფნის გამო დიდი კმაყოფლება გამოხატა და დასძინა, რომ პრეზიდენტად ახალი ვადით არჩევის შემდეგ პირველი ვიზიტით თურქეთს ეწვია, რაც ტრადიციაა და იმედი გამოთქვა, რომ მომავალი თაობები ამ ტრადიციის ერთგულნი დარჩებიან. მან აღნიშნა, რომ თურქეთმა დიდი და ღირესული გზა გამოიარა და თურქეთის თანხმობის გარეშე მათ რეგიონში ვერანაირი მცდელობა ვერ განხორციელდება.
აზარბაიჯანის პრეზიდენტი ასევე შეეხო მთიანი ყარაბაღის თემას და დასძინა, რომ ამ საკითში თურქეთს სრულად ენდობიან და დარწმუნებულები არიან, რომ მთიანი ყარაბაღის პრობლემის მოგვარებაში თურქეთი ყოველთვის მათ გვერდით იქნება.
მან ისაუბრა აზარბაიჯან-თურქეთს შორის უვიზო მიმოსვლაზე და განაცხადა, რომ ახლო მომავალში ამ შესაძლებლობით პირველები მეცნიერები და საქმოსნები ისარგებლებენ.
პრესკონფერენციაზე თურქეთის პრემიერმა კი ტრანს-ანატოლიის ბუნებრივი აირის მილსადენის პროექტის ”ტანაპის” მშენებლობის დაწყების თარიღი გამოაცხადა და აღნიშნა, რომ ეს 2014 წლის დასაწისში მოხდება.
15.11.13
