“აშშ-ის მიზანია რუსეთის წინააღმდეგ მარიონეტული ომის გაგრძელება და ჩვენი ქვეყნისთვის მძიმე მარცხის მიყენება” – ასე ეხმაურება, რუსეთის უშიშროების საბჭოს თავმჯდომარის მოადგილე, დიმიტრი მედვედევი აშშ-ის წარმომადგენელთა პალატის გადაწყვეტილებას, რომელმაც $40 მილიარდზე მეტი ღირებულების დახმარების გამოყოფას დაუჭირა მხარი.
მედვედევი Telegram არხზე წერს, რომ ასეთი მასშტაბის დახმარება, “საერთოდ არ აიხსნება უკრაინის სიყვარულით” და მიზანი, მხოლოდ რუსეთის ეკონომიკური განვითარებისა და პოლიტიკური გავლენის შეზღუდვაა.
“სავსებით აშკარაა, რომ ასეთი უპრეცედენტო მასშტაბის დახმარება საერთოდ არ აიხსნება უკრაინის სიყვარულით და არც საკუთარი ეკონომიკის მხარდაჭერით. მისი მიზანია, რუსეთის წინააღმდეგ მარიონეტული ომის გაგრძელება, ჩვენი ქვეყნისთვის მძიმე მარცხის მიყენება და სურვილი, შეზღუდოს მისი ეკონომიკური განვითარება და პოლიტიკური გავლენა მსოფლიოში”, – წერს მედვედევი.
