ყველაზე საინტერესო, ფერადი და შემეცნებითი საოჯახო თამაში – ასე შეგვიძლია, დავახასიათოთ “არგონავტები“. ეს არის თამაში, რომელიც, გარდა იმისა, რომ მოზარდებს ძალიან ახალისებს, მათთვის შემეცნებითი ფუნქციის მატარებელიცაა.
თამაშის შემქმნელები ლევან სიხარულიძე და კოკო კაპანაძე არიან.
“თამაშის მიზანია, მოზარდ ბავშვებს თამაშით შევასწავლოთ არგონავტების ისტორია, ასევე, ბავშვები მოვწყვიტოთ კომპიუტერებს და მათ მშობლებთან ერთად ითამაშონ.
ვნახე, რომ ჩემს შვილებს იატაკზე გაშლილი ჰქონდათ მსოფლიო რუკა, კამათელს აგორებდნენ და ვისაც მეტი მოუვიდოდა, ქვეყანას ირჩევდა. ამ თამაშით იცოდნენ ყველა ქვეყნის ადგილმდებარეობა რუკაზე, მათი დედაქალაქები და გერბები. აქედან გამიჩნდა იდეა – შემექმნა ისეთი პროდუქტი, რისი საშუალებითაც ბავშვები თამაშ-თამაშით ისწავლიდნენ ამა თუ იმ ისტორიას. პირველი, გადავწყვიტეთ არგონავტები, რადგან ეს მითი არის რეალობა, დღესაც ცხვრის ტყავით მოიპოვებენ სვანეთში ოქროს”.
როგორც “თბილისი თაიმსთან” საუბრისას თამაშის შემქმნელები აღნიშნავენ, თამაში გათვლილია, უფორ მეტად, 5-დან 10 წლამდე ბავშვებზე. გარდა ამისა, ისინი გეგმავენ, რომ მომხმარებლებს კიდევ შესთავაზონ სხვა თამაში.
