რაც უფრო მეტად არის ბრენდი რაღაცით გამორჩეული, ცხადია, მით მეტად მოთხოვნადია ის საზოგადოებაში. „საფირმო ხელწერა“ კომპანიას აძლევს საშუალებას, ბაზარზე მყარად მოიკიდოს ფეხი. „სილუეტი“ სწორედაც რომ საკუთარი ხელწერითაა თვალშისაცემი. ძალიან ორიგინალური და გამორჩეული დიზაინის ნივთებით, მან უკვე ძალიან ბევრის ინტერესი დაიმსახურა. „თბილისი თაიმსს“ ლილი მიქელაშვილი ესაუბრა.
რამდენი ხანია, რაც არსებობს „სილუეტი“?
„სილუეტი’’ უკვე 3 წელია, რაც არსებობს და ულამაზებს ინტერიერსა თუ ექსტერიერს ჩვენს მომხმარებელს. იქიდან გამომდინარე, რომ ჩვენი კომპანია მცირე ბიზნესად მიიჩნევა, პანდემიის გამო, საკმაოდ დიდი გამოწვევების წინაშე აღმოვჩნდით, თუმცა, ძალ-ღონე არ დავიშურეთ, რომ ამ ყველაფრისთვის გაგვეძლო.
რა პროდუქტს სთავაზობთ მომხმარებელს?
მომხმარებელს ვთავაზობთ როგორც სახლის დეკორს, იქნება ეს ლარნაკები, საკიდები, ხილის კალათები ან უბრალოდ სილუეტური გამოსახულების სხვადასხვა დეკორი, ასევე, ეზოსთვის განკუთვნილ დეკორატიულ ნივთებს.
ისინი აშკარად გამორჩეული დიზაინისაა – საზოგადოების ინტერესი როგორია?
საზოგადოების ინტერესი საკმაოდ მაღალია, რადგან ფეხს უწყობენ თანამედროვე დიზაინს. ადამიანების თვალსაწიერი დღესდღეობით უფრო გაფართოებულია, რაც გამოიხატება იმაში, რომ ეძებენ უცხოს, განსხვავებულსა და მარტივს.
რამდენად ხშირად გაქვთ სიახლეები?
ამ კუთხითაც ვცდილობთ, სხვადასხვა დიზაინის სიახლეები გვქონდეს, ოღონდ ისე, რომ ჩვენი სტილი, ანუ “სილუეტური” სტილი არ დავკარგოთ, ასე რომ ვთქვათ, ჩვენი საფირმო ხელწერაა. გეგმები ძალიან დიდია და იმედს ვიტოვებთ, რომ უმოკლეს დროში ძალიან ბევრ სიახლეს შევთავაზებთ მომხმარებელს.
საქართველოს ფარგლებს გარეთ თუ გადის თქვენი ნივთები?
დიახ, საქართველოს ფარგლებს გარეთაც გავიდა ჩვენი პროდუქცია, იყო დაინტერესება რამდენიმე ქვეყნიდან: ლიეტუვა, საფრანგეთი, ტაილანდი… და არამხოლოდ უცხოელი მომხმარებლების მხრიდან, ასევე, იქ მცხოვრები ქართველებისგანაც. ძირითადად, ითხოვდნენ საქართველოსთვის დამახასიათებელ ნივთებს, მაგალითად, ღვინის ბოთლის ჩასადებ კონსტრუქციას… ეს ამბავი ძალიან გვახარებს და, რა თქმა უნდა, ამ კუთხითაც ვცდილობთ, რომ გავფართოვდეთ.