ირაკლი კობახიძემ გადაცემაში „იმედი LIVE“ საქართველოსა და მოლდოვას შორის პარალელები გაავლო. „ქართული ოცნების“ თავმჯდომარის თქმით, საქართველოს კონსტიტუციაში წერია, რომ ნატოსა და ევროკავშირში ინტეგრაცია ქვეყნის ამოცანაა, მოლდოვას კი კონსტიტუციის დონეზე ნეიტრალიტეტი აქვს გამოცხადებული და არც დსთ-ს დატოვებას აპირებს.
„კორუფციასთან ბრძოლის თვალსაზრისით, ჩვენ ვართ მოწინავე ქვეყანა. რაც შეეხება მოლდოვას, იქ ძალიან მძიმე ვითარებაა. ყველამ ყველაფერი იცის ამასთან დაკავშირებით. რაც შეეხება კონკრეტულ პარამეტრებს, თითქმის ყველა პარამეტრში გვაქვს დიდი უპირატესობა, როგორც მოლდოვასთან, ასევე უკრაინასთან. და თუ ვინმეს დაჭერაზეა საუბარი, მას შემდეგ, რაც მოლდოვამ ევროკავშირის კანდიდატობაზე განაცხადი წარადგინა, აღძრეს საქმე ყოფილ პრეზიდენტზე – იგორ დოდონზე და რამდენიმე დღეში დაიჭირეს კიდეც ამ ბრალის საფუძველზე“, – განაცხადა კობახიძემ.
