ხელოვნების, შემოქმედებითობის მიმართულება ულევია. მუდმივი ფიქრისა და სიახლის ძიებაში, ხელოვანი ადამიანები მიდიან ახალ-ახალ აღმოჩენებამდე. რაც უფრო უცხოა იდეა, მით უფრო საინტერესოა ის საზოგადოებისთვის. ნამუშევრების შექმნის პროცესი კი განსაკუთრებულად სასიამოვნოა.
სოფო დარასელია ნახატებს მინაზე მინის ოქროსფერი საღებავით ქმნის. შეიძლება ითქვას, მისი ნამუშევრები მყუდრო, ცოტა იდუმალი და განსაკუთრებულად შინაარსიანია. “თბილისი თაიმსს” დეტალებზე ის თავად უყვება.
“ჩემი ამ სტილის ნამუშევრები ჯერ შექმნილია ქაღალზე და მერე მომივიდა იდეა, გადამეტანა მინაზე. მინას ძალიან უხდება ამ სტილში შესრულებული ნახატები. ჩემთვის ხატვა განტვირთვაა, თითოეული ნახატი ამბავს გიყვება მის შესახებ. თითოეულ ნახატს თავისი ისტორია აქვს”, – ამბობს სოფო და აღნიშნავს, რომ დიდი ხანია არ არის, რაც მინაზე მუშაობს.
“ზოგადად, მინაზე მუშაობა არცთუ ისე დიდი ხნის წინ დავიწყე. მოვხატე ბოთლები, მოვხატე დეკორატიული ლარნაკი, სასანთლე. ჯერჯერობით. ეს არის. რაც შევქმენი. მომავალში მინდა ბევრი საინტერესო იდეის განხორციელება. ასევე, გავაგრძელებ ჩემი ნახატების გადატანას მინაზე”, – ამბობს სოფო დარასელია.
