მესტია, ხის სახლი, საოცარი ხედები, იდეალური სიმშვიდე და მწვანე გარემო – ეს არის ის მოცემულობები, რომლებზეც შეუძლებელია, ვინმემ რაიმე მიზეზით უარი თქვას. შეიძლება ითქვას, ჩვენ ახლა ჯადოსნურ სამყაროზე ვსაუბრობთ.
Hill silence mestia არის ხის სახლი, რომელიც მდებარეობს მესტიის უძველესი კოშკებისა და ულამაზესი მთების ფონზე (რევაზ მარგიანის ქუჩა). მისი მდებარეობა განსაკუთრებულია, რადგან კოტეჯი გახლავთ ტყეში, სუფთა – მწვანე გარემოში და, ამავე დროს, ძალიან ახლოს არის მესტიის ცენტრთან (10 წთ ფეხით).
მისი დამფუძნებლები არიან მეუღლეები – თაკო გვიჩიანი და გიორგი ფალიანი. „თბილისი თაიმსს“ თაკო გვიჩიანი ესაუბრა.
„ჰილლ საილენსის“ იდეა პანდემიის დროს გაჩნდა. აღნიშნულ ადგილზე ვგეგმავდით სასტუმროს აშენებას, თუმცა, პანდემიამ სხვა კუთხით დაგვაფიქრა, გეგმებმა ტრანსფორმაცია განიცადა და სატესტოდ 1 კოტეჯი ავაშენეთ, რომელსაც აუცილებლად დაემატება რამდენიმე კოტეჯი, რადგან ინტერესი საკმაოდ მაღალია. ,,ჰილლ საილენსი,, უკვე უამრავი ადამიანის საყვარელი ადგილი გახდა მიუხედავად იმისა, რომ ჯერ 1 წელიც არ არის გასული კოტეჯის გახსნიდან.
კოტეჯი გაიხსნა 2021 წლის დეკემბერში, მან უამრავ ქართველ და უცხოელ დამსვენებელს უმასპინძლა, რაც ძალიან სასიამოვნოა მისი დამფუძნებლებისთვის. ასეთი ინტერესი გვაძლევს მოტივაციას, რომ დავამატოთ ბევრი სიახლე. გვაქვს სამომავლო გეგმები, რომლებსაც აუცილებლად განვახორციელებთ“, – აღნიშნავს თაკო.
ის განმარტავს, თუ რა სერვისებს სთავაზობენ მომხმარებლებს.
„ამ ეტაპზე, სტუმრებს ვთავაზობთ: ტრანსფერი მესტიის აეროპორტიდან, განთავსება, მთაში ჯიპ ტურები, საცხენოსნო ტურები, ექსკურსიები სურვილის შესაბამისად და ა. შ.
ეს სახლი არის სიყვარულის სახლი, რადგან უდიდესი შრომა, მონდომება და მოტივაცია ჩავდეთ. ეს არ არის მხოლოდ ბიზნესი – ეს ის გარემოა, რომელიც გვაბედნიერებს“, – ამბობს თაკო გვიჩიანი.
