იმისთვის, რომ ჩვენს გარემოს სიმყუდროვე შევმატოთ, ვეძებთ დეტალებს. ამ დროს, ალბათ, ყველაზე მნიშვნელოვანია, შერჩეული ნივთი იყოს ვიზუალურად სასიამოვნო და ჰქონდეს სიმბოლური დატვირთვა. თუმცა, თუკი მას საოცარი არომატიც ექნება, ჰარმონია გარანტირებულია. „ტიტესია“ გვთავაზობს სანთლებს, რომლებიც თავდაპირველად გამორჩეული დიზაინით მოგხიბლავთ. „თბილისი თაიმსს“ მაშო დათაშვილი ესაუბრა.
გვიამბეთ „ტიტესიას“ შესახებ – რამდენი ხანია, რაც ამ მიმართულებით საქმიანობთ?
კომპანია დაარსდა 2021 წლის მიწურულს და პირველი პროდუქტი გამოუშვა უკვე 2022 წლის თებერვალს. მთელი ამ პერიოდის განმავლობაში ვატარებდით ცდებს, რათა ჩვენ მიერ წარმოებული პროდუქტი ყოფილიყო ეკოლოგიურად სუფთა და უსაფრთხო.
რისგან მზადდება ისინი?
„ტიტესიას“ სანთლები, სინთეზირებული პარაფინისგან განსხვავებით, მზადდება მცენარეული ცვილისგან, რომელიც წვის შედეგად მავნე ნივთიერებებს არ გამოყოფს და უზრუნველყოფს მის ხანგრძლივ და სუფთა წვას.
რით არის თქვენი პროდუქტი სხვებისგან გამორჩეული?
როგორც უკვე აღვნიშნე, მასალა, რომელსაც ვიყენებთ სანთლების დასამზადებლად, შედგება 100%-ით ორგანული მცენარეული ცვილისგან, ასევე, გვაქვს განსხვავებული მოდელები, რომელიც საქართველოს ბაზარზე არ არის წარმოდგენილი და, რა თქმა უნდა, „ტიტესიას“ დაუვიწყარი სურნელი, რომელსაც თითოეული სანთელი ატრიალებს.
უმთავრესად, ვინ არიან თქვენი მომხმარებლები?
ყველა ასაკის და პროფესიის ადამიანი გვწერს და კმაყოფილია ჩვენი პროდუქტით, რაც ყველაზე დიდ სტიმულს მაძლევს. ერთადერთი, გამოვარჩევდი კომპანიებს, რადგან ყველაზე ხშირად მათთან ვთანამშრომლობთ. გვაქვს როგორც კორპორატიული შეკვეთები, ასევე, ინდივიდუალური.
თუ გეგმავთ სხვა სახის პროდუქტების დამზადებას?
ჩვენ ყოველთვის მაქსიმალურად ვცდილობთ, მომხმარებელს შევთავაზოთ მრავალფეროვანი არჩევანი. ამ ეტაპზე, გაყიდვაში გვაქვს როგორც სანთლები, ასევე, ახალი პროდუქტი, რომელიც მზადდება წყლის ბაზაზე არსებული დეკორატიული მასალით. მომხმარებელს ვთავაზობთ როგორც სასანთლეებს, ასევე, ამ სასანთლის ნაკრებებს თავისი სანთლებით, რომელსაც აქვს ძალიან მრავალფეროვანი არჩევანი.
ვმუშაობთ კიდევ ახალ პროექტზე და ვფიქრობ, ივლისის ბოლოს შეძლებს მომხმარებელი შეძენას.
