ტაძარსა თუ მონასტრებში სტუმრობისას ადამიანის ჩაცმულობა ხშირად ხდება განსჯის საგანი. როგორც წესი, დეკოლტე, მოკლე კაბა, შარვალი, უთავშალობა ქალებისთვის – ეს ყოველივე აკრძალულია ტაძარში შესვლისას.
ბევრს უჩნდება კითხვა, თუ რა მნიშვნელობა აქვს ჩაცმულობას, მთავარი ხომ სურვილი და მისწრაფებაა ლოცვისა და ჰარმონიულობის მისაღწევად.
სწორედ ამ საკითხთან დაკავშირებით, განმარტებას აკეთებს მამა ანდრია(სარია), რომელიც თვლის, რომ ტაძარში აუცილებელია ჩაცმის წესების დაცვა, ვინაიდან, როცა ადამიანი ტაძარში შედის უნდა იყოს სრულიად ლოცვასა და ღმერთთან კავშირზე ორიენტირებული და მას არ უნდა ეცვეს გამომწვევად, ვინაიდან არ აღიძრას ვნებები და ყურადღების გადატანა სხვა რაიმეზე არ მოხდეს.
მამა ანდრიას თქმით, მნიშვნელოვანია, რომ ეკლესიაში ქალიც და კაციც მივიდეს სადად ჩაცმული, ვინაიდან არ მიიქციონ ზედმეტი ყურადღება.
სასულიერო პირი ყურადღებას ამახვილებს ექსკურსიებსა და ლაშქრობებზე, როცა ათეულობით ვიზიტორი არაშესაბამისი ფორმით შედის ტაძარში. მისივე თქმით, არ შეიძლება ეკლესიიდან ადამიანის გაგდება და ჩხუბი, მთავარია მივუთითოთ სწორად და ავუხსნათ, თუ რატომ მოქმედებს კონკრეტული პრინციპები.
მასალა მოამზადა: თორნიკე ყრუაშვილმა
წყარო: www.mshoblebi.ge
