ტეხასის შტატში, სან ანტონიონის გარეუბანში მინიმუმ 46 ადამიანის ცხედარი იპოვეს მიტოვებულ სატვირთო მანქანაში. ისინი, სავარაუდოდ, მიგრანტები არიან.
სამაშველოს ცნობით, 16 ადამიანი, მათ შორის 4 ბავშვი გადაიყვანეს საავადმყოფოში. გადარჩენილები სითბურ ინსულტსა და სითბურ დაღლილობას განიცდიდნენ, რასაც მაღალი პემპერატურა, სხეულიდან წყლისა და მარილის გადაჭარბებული დაკარგვა იწვევს.
სან ანტონიო, რომელიც 250 კილომეტრშია აშშ-მექსიკის საზღვრიდან, მთავარი სატრანზიტო გზაა ხალხის არალეგალურად გადააგდილებისთვის. ადამიანებით მოვაჭრეები ხშირად იყენებენ სატვირთო მანქანებს საბუთების არ მქონე პირების საზღვარზე გადასაყვანად.
მეხანძრე-მაშველმა მედიასთან თქვა, რომ სატვირთო მძღოლმა მიატოვა. მანქანაში არ იყო მოქმედი კონდიციონერი და სასმელი წყალი.
მექსიკის საგარეო საქმეთა მინისტრმა განაცხადა, რომ საავადმყოფოში გადაყვანილთა შორის ორი გვატემალელია. სხვა მსხვერპლების ვითარება არაა ცნობილი.
სამი ადამიანი დაკავებულია. მომხდარზე გამოძიება გრძელდება.
