საბერძნეთში, ყაჩაღობისა და ქურდობის ბრალდებით 48 წლის ქართველი ქალი დააკავეს. ინფორმაციას ამის შესახებ ბერძნული მედია ავრცელებს.
გავრცელებული ინფორმაციით, გამოძიებამ ამ დროისთვის დაკავებული ქალის მონაწილეობით ყაჩაღობის 9 და ქურდობის 4 ფაქტი გახსნა.
როგორც ბერძნული მედია იუწყება, დაკავებული ქართველი ქალი, მეტსახელად „ობობა“, მოხუცებს ნარკოტიკულ ნივთიერებებს აძლევდა, რის შემდეგაც მათ ძარცვავდა. ის უშუალოდ ძარცვის დროს დააკავეს.
