იმ მიზეზით, რომ ხინკლის წარმოშობის ადგილი საქართველოა და ის ჩვენი ქვეყნის ერთერთი მთავარი მახასიათებელია, მის მიმართ მოთხოვნა მუდმივადაა. გარდა ქართველებისა, ის უცხო ქვეყნების წარმომადგენლებისთვისაც ძალიან საინტერესო და გამორჩეული კერძია. თუმცა, იდეალური, უნაკლო და საუცხოო გემოების ხინკალი მზადდება მხოლოდ იქ, სადაც აქვთ ინტერესი, პროდუქტი იყოს სრულყოფილი. ასეთი სივრცეა „ხინკალ ჰაბი“. არცთუ ისე დიდი ხანია, რაც მისი შემოთავაზება მომხმარებლისთვის ხელმისაწვდომია. დეტალებზე „თბილისი თაიმსს“ თანადამფუძნებელი, მანო ქავთარაძე ესაუბრა.
რამდენი ხანია, რაც „ხინკალ ჰაბი“ არსებობს?
ერთი წლის წინ გაგვიჩნდა იდეა – გაგვეკეთებინა ადგილი, სადაც ნამდვილ მთიულურ ხინკალს შევთავაზებდით თბილისის მაცხოვრებლებს. სწორედ ამ მოტივაციით, 2021 წელს შეიქმნა „ხინკალ ჰაბი“.
რას ითვალისწინებს თქვენი საქმიანობა?
მომხმარებლებს ვთავაზობთ ოთხი სახეობის ხინკალს. მათ შორის გამორჩეულია მთიულური ხინკალი, რადგან ნამდვილი კვლიავით ვამზადებთ. ჩვენი ხელით შევაგროვეთ მთიულეთში და მისი საშუალებით ვიღებთ ზუსტად იმ გემოს, რომელიც მთის ხინკალს ახასიათებს. ასევე, პოპულარულია საფირმო ხინკალი, რომელიც საიდუმლო ინგრედიენტით მზადდება, გამოირჩევა განსაკუთრებული არომატით და გემრიელი წვენით.
გარდა ხინკლისა, ადგილზე ვამზადებთ პელმენს, სულგუნის და ხაჭოს ვარენიკებს, ბლინებს, ქაბაბსა და კოტლეტს. ყველა პროდუქტი არის 100%-ით ქართული ნედლეულით დამზადებული.
პროდუქციის შეძენა შესაძლებელია როგორც ადგილზე, ასევე, ჩვენს პარტნიორ კომპანიაში ვილი.ჯი – აპლიკაციის საშუალებით მთელი თბილისის მასშტაბით. ხინკლის გამოძახება კი შეგიძლიათ Glovo-ს, Wolt-ისა და Bolt Food-ის აპლიკაციით.
როგორ შეაფასებთ – რით განსხვავდება თქვენი საქმიანობა სხვა, მსგავსი ბიზნესებისგან?
ჩვენი პრიორიტეტია – ნამდვილი მთის გემო მივიტანოთ მომხმარებლამდე, ამას კი ვახერხებთ ხარისხიანი ნედლეულის გამოყენებით. ვმუშაობთ მხოლოდ ქართულ,
გაუყინავ ხორცზე და ვქმნით პროდუქტს, რომელიც 100%-ით სანდოა.
რა აქტივობებით არის გუნდი დაკავებული?
„ხინკალ ჰაბის“ გუნდი შედგება 11 წევრისგან, თითოეული ჩვენგანისთვის ეს არის საქმე, რომელშიც მთელ გულს ვდებთ. ჩვენი ოჯახური გარემო საქმეზეც ისახება და სწორედ ეს განაპირობებს სანდოობას მომხმარებლის თვალში. ჩვენი გუნდი შედგება მზარეულებისგან, ადმინისტრატორებისგან, სოც. მედია მენეჯერის, კურიერ – მომმარაგებლისგან და ა.შ.. ჩვენი საერთო მიზანია „ხინკალ ჰაბის“ გაზრდა ხარისხის შენარჩუნების პარალელურად.
საინტერესოა, რა გეგმები აქვს „ხინკალ ჰაბს“?
„ხინკალ ჰაბს“ შორს მიმავალი გეგმები აქვს, ოქტომბრის თვიდან ჩვენი ნახევარფაბრიკატები წარმოდგენილი იქნება კიდევ ერთ პარტნიორ მაღაზიაში. სამომავლოდ კი ვფიქრობთ ასორტიმენტის გაზრდას და ახალი ფილიალების დამატებას თბილისის მასშტაბით. წელს მოვიპოვეთ სააგენტო „აწარმოე საქართველოში“ დაფინანსება, რაც დაგვეხმარება სამომავლო მიზნების განხორციელებაში.
