ჩანთები ქართული ელემენტებით – ეს გახლავთ პროდუქტი, რომელსაც GEONINTEX საკუთარ მომხმარებელს სთავაზობს. გამორჩეული ვიზუალი, აშკარად ქართული შტრიხები მას ქართულ საზოგადოებაში განსაკუთრებულად მოთხოვნადსა და საინტერესოს ხდის. საკმაოდ დიდი ხანია, რაც ის მსურველთათვის ხელმისაწვდომია. “თბილისი თაიმსს” თამუნა ლაღიძე ესაუბრა.
4 წელია, რაც ეს საქმე შევისწავლე. რაც შეეხება მასალას – ძირითადად, ვიყენებ გობელენს და წყალგაუმტარ პროდუქტს, თუმცა, პრაქტიკაში მქონია ისიც, რომ უშუალოდ დამკვეთის თხოვნით, მის მიერ შერჩეულ მასალაზე მიმუშავია.
ჩვენი ჩანთები, ალბათ, გამორჩეულია იმით, რომ არ არის მასობრივი წარმოების და შედგება ქართული ელემენტებისგან.
გარდა ამისა, სხვა სახის პროდუქციას თუ აწარმოებთ?
ამ ეტაპზე, ვამზადებთ მხოლოდ ჩანთებს, ორიოდე წლის წინ ასევე ვაწარმოებდი „ჩალმებს“ როგორც ზრდასრულებისთვის, ასევე, ბავშვებისთვის, თუმცა, ჩანთებმა უფრო გამიტაცა და მომხმარებლებისგანაც წამოვიდა სურვილი, რომ ამ მიმართულებით მემუშავა.
თუ იქნება სურვილი, სიამოვნებით ვაწარმოებ კვლავ ჩალმებს და თმის აქსესუარებს, „აბადოკებს“, რასაც ასევე დიდი მოწონება ჰქონდა.
