ქალბატონებისთვის ნებისმიერი აქსესუარი ის დეტალია, რომელუც ხაზს უსვამს მის ხასიათს, გემოვნებას, განწყობას… შესაბამისად, შერჩევისას ისინი სხვადასხვა წვრილმანს ითვალისწინებენ. რაც უფრო გემოვნებიანუ და განსხვავებულია არჩევანი, მის მიმართ ინტერესიც გაცილებით დიდია. „მულინე“ გახლავთ ბრენდი, რომელმაც პირველი ნაბიჯები ჯერ კიდევ მიმდინარე წელს გადადგა. საკუთარი ხელწერის წყალობით, რაც ქართულ ტრადიციულ თემატიკას გულისხმობს, მისი პროდუქციით ბევრია დაინტერესებული. „თბილისი თაიმსს“ „მულინეს“ დამფუძნებელი, მაკო იმედაშვილი ესაუბრამ.
რამდენი ხანია, რაც „მულინე“ არსებობს?
“მულინეს” დაარსების იდეა დიდი ხნის განმავლობაში მქონდა, პრაქტიკულად, საქმიანობა 2022 წლის იანვარში დავიწყეთ, სატესტო რეჟიმში. თებერვლიდან უკვე აქტიურად დავიწყეთ გაყიდვები.
კონკრეტულად, რას აწარმოებთ?
ჩვენ ვაწარმოებთ აბრეშუმის ყელსახვევებს, რომლებიც ვფიქრობ, რომ ყველა ქალისთვის განსაკუთრებულ აქსესუარს წარმოადგენს. რაც შეეხება უშუალოდ პროცესს, იქმნება დიზაინი მხატვრის მიერ, შემდეგ ბიოსაღებავებით (ჯანმრთელობისთვის არასაზიანო) იბეჭდება მაღალი ხარისხის აბრეშუმზე.
საინტერესოა, რა ისტორია აქვს ბრენდს?
ჩემი საქმიანობიდან გამომდინარე, ხშირად მიწევდა შეხება მსგავს პროდუქტთან. ვიცოდი ყველა დეტალი, როგორ მზადდებოდა, პროცესშიც გარკვეული ვიყავი. სწორედ აქედან გამიჩნდა იდეა, რომ შემექმნა ჩემი გემოვნებით და დიზაინით, სხვადასხვა პრინტით აბრეშუმის შარფები. მეხმარება ჩემი და, რომელიც მხატვარია. ასევე, ჩემი მეგობარი ილუსტრაციებს ქმნის და ასე ერთობლივად ვქმნით დიზაინებს. ასე გამიჩდა ბრენდის დაარსების იდეა. რომელსაც „მულინე“ დავარქვით, ძველ ქართულად „აბრეშუმის ძაფს“ ნიშნავს და კავშირშია ბრენდის საქმიანობასთან.
რა არის ის ხაზი, რაც თქვენს თითოეულ პროდუქტს აერთიანებს?
თავიდანვე მინდოდა, რომ ჩვენი შარფები შინაარსით განსხვავებული ყოფილიყო. გადავხედეთ ბაზარზე არსებულ მსგავს მწარმოებლებს და ვეცადეთ, ისეთი თემატიკა აგვერჩია, რომელიც იქნებოდა განსხვავებული და მრავალფეროვანი. ჩვენი შარფები მოიცავს, ძირითადად, ქართულ მოტივებზე შექმნილ დიზაინებს, მაგალითად, როგორიც არის დედოფალი თამარი, ისე გადმოვიტანეთ შარფზე მისი ილუსტრაციები, რომ მორგებოდა თანამედროვე ეპოქასაც და მოერგოთ ყველანაირ სამოსზე. ასევე, ძველი ქართული ანბანი, ორნამენტები, კინტოს ილუსტაციები, სხვადასხვა ქართული წარწერა, ამონარიდები პოეზიიდნ, აზიურ ელემენტებსაც ვურთავთ, ასევე, ხელით შესრულებული ნახატებიც გადაგვაქვს შარფებზე. ვცდილობთ მაქსიმალურად, რომ ყველანაირი ტიპის ადამიანის გემოვნებას მოვარგოთ. ყოველთვის ვმუშაობთ ახალ დიზაინებზე, ასე რომ, ხშირად გვაქვს სიხალეები.
მათ შეკვეთითაც ამზადებთ თუ მხოლოდ საკუთარი გემოვნებით?
თავიდან საკუთარი გემოვნებით დავამზადეთ, შემდეგ გავითვალისწინეთ მომსხმარებლის გემოვნება – რა სტილიც უფრო გაყიდვადი იყო, ის სტილი გავხადეთ უფრო აქტუალური ჩვენი შარფების ილუსტრაციებში. ასევე შეგვიძლია, პირადად მომხმარებლის გემოვნებით დავამზადოთ ნებისმიერი დიზაინის და თემატიკის შარფი ინდივიდუალურად, რაც თავად მოსწონს და უნდა. ასე რომ, ვფიქრობ – მრავალფეროვანი არჩევანი გვაქვს და ნებისმიერი ადამიანი იპოვის თავისი გემოვნების ყელსახვევს ჩვენთან.
