ტაილანდის ყურეში შტორმის დროს სამხედრო გემი ჩაიძირა. ტაილანდის საზღვაო ფლოტის ინფორმაციით, ბორტზე 100-ზე მეტი ეკიპაჟის წევრი იმყოფებოდა, მათგან 31 უგზო-უკვლოდ დაიკარგა.
ხელისუფლების განცხადებით, მათ ეკიპაჟის 75 წევრი გადაარჩინეს, თუმცა 31 პირი ამ დრომდე დაკარგულია.საზღვაო ძალების ინფორმაციით, სამძებრო-სამუშაოები მთელი ღამის განმავლობაში მიმდინარეობდა და ის ორშაბათს გაგრძელდება.
“12 საათზე მეტი გავიდა, მაგრამ ჩვენ გავაგრძელებთ ძებნას”, – უთხრა BBC-ის საზღვაო ძალების წარმომადგენელმა.
მისივე თქმით, მომხდარის გამომწვევ მიზეზებზე გამოძიება დაიწყება.
“ეს თითქმის არასოდეს მომხდარა ჩვენი ძალების ისტორიაში, განსაკუთრებით გემზე, რომელიც ჯერ კიდევ აქტიურ გამოყენებაშია”, – აღნიშნა საზღვაო ძალების წარმომადგენელმა.
შემთხვევა კვირას ღამით, მას შემდეგ მოხდა, რაც წყალმა გემის ელექტროსადგურები დატბორა, რასაც მოკლე ჩართვა მოჰყვა.
