საახალწლოდ ყველა სხვადასხვა დეკორაციას ვიყენებთ. თუმცა, არის ზოგიერთი მათგანი, რაც, შეიძლება ითქვას, ყველა ოჯახს აერთიანებს. გნომები, ელფები, ნაძვის ხეები ყველგან გვხვდება. თუმცა, განსხვავებულია ყველა იმ ავტორის ხელწერა, რომელიც მათ სადღესასწაულოდ ქმნის.
ქეთი შუბითიძე, ამჟამად, ამზადებს ხელნაკეთ თოჯინებს შერეული მასალით, რაც ხელში მოხვდება და შეუსაბამებს ერთმანეთს. წინასაახალწლოდ, ის ელფების მზადებითაც არის დაკავებული. ქეთი „თბილისი თაიმსს“ უამბობს, თუ რა მასალას იყენებს მათ დასამზადებლად.
ელფები გამოგონილი, ცელქი და მსუნაგი არსებები არიან, ძალიან საყვარლები თავიანთი გარეგნობით. ძალიან სასიამოვნოა მათზე მუშაობა, როცა ახალი წელი მოდის. მათ დასამზადებლად თიხას, მიმინოს, ქსოვილს და კიდევ ბევრ წვრილმანს ვიყებენ.
ხელოვანის გვიყვება, რამ გამოიწვია მისი ინტერესი, დაემზადებინა თოჯინები.
ბავშვობაში ვიტრინაში ერთი საკოლექციო ხელნაკეთი თოჯინა ვნახე, ძალიან შემიყვარდა და სულ მასზე ვფიქრობდი (არ იყიდებოდა). მინდოდა, მქონოდა ისეთი და ვცდილობდი, გამეკეთებინა მეც. ასე დაიწყო თოჯინების კეთება ბავშვობიდან.
ქეთი საკუთარ საახალწლო შეთავაზებაზე გვესაუბრა. მისი თქმით, თოჯინების გარდა, ის მომხმარებელს სხვა სახის დეკორაციებსაც სთავაზობს.
საახალწლოდ ვცდილობ, ბევრის გული გავახარო, თოჯინების გარდა, ბევრი საახალწლო მოსართავით. გარდა ამისა, ხელოვნების სხვა მიმართულებებითაც ვმუშაობ, როგორებიცაა ფერწერა, თეატრალური კოსტიუმების მხატვრობა, თეატრალური დეკორაციები…
