8 თებერვალს, საქართველოს საპატრიარქოს ახალგაზრდულ მოძრაობა დავითიანნში, “არაფორმალური განათლების ტრენერთა მოსამზადებელი ორთვიანი პრაქტიკული და თეორიული კურსი თეოლოგიაში” კურსის შემაჯამებელი ცერემონიალი გაიმართა და პირველი ნაკადის მონაწილეებს სერტიფიკატები გადაეცათ. ორგანიზაცია წლებია აქტიურად მუშაობს და მისი საქმიანობის ძირითადი მიზანი, მომავალ თაობაში ცხოვრების ჯანსაღი წესის დამკვიდრების ხელშეწყობა და საგანმანათლებლო მიმართულებით მუშაობაა.
დავითიანნმა წარადგინა ახალი პროექტი, რომლის ფარგლებშიც მათ თეოლოგიაში გადაამზადეს ექვსი ადამიანი, რომლებიც სკოლებთან იმუშავებენ არაფორმალური განათლების კუთხით. წელიწადში დაახლოებით 400-500 ბავშვს ექნება შესაძლებლობა ჩაერთოს პროექტში, სადაც ისინი ისწავლიან ძველ აღთქმას, ახალ აღთქმას და ზოგადად მსოფლიო რელიგიების ისტორიას.
“ამ კურსით, ახალგაზრდები სკოლებში ისწავლიან ახალ აღთქმას, ძველ აღთქმას, მსოფლიო რელიგიების ისტორიას და ზოგადად ადამიანურ ურთუერთობებს და ტოლერანტობას. მთელი კურსის განმავლობაში მოსწავლეებს ექნებათ შესაძლებლობა გამოაჩინონ და აღმოაჩინონ საკუთარი თავები და დაუახლოვნდენ დედა ეკლესიას. ამ ყველაფრის მასშტაბურობისთვის ჩვენ გვსურდა, ჩვენი ძალებით და კვალიფიკაციით გადაგვემზადებია სტუდენტები ტრენერებად. ჩვენი მიზანია გამოვიყენოთ ეს ადამიანური რესურსი და სამრევლოს სკოლის ბაზებზე მოვახდინოთ ჩვენი ცოდნის გადაცემა ახალგაზრდებზე.” – განაცხადა დავითიანნის პრეზიდენტმა კოტე სვანაძემ.
შთაბეჭდილებები გაგვიზაირეს და მადლოერება გამოხატეს კურსის მონაწილეებმაც,
” ვფიქრობ, ცხოვრებაში ყველა გზა საკუთარი თავის ძიების პროცესია და დავითიანნთან თანამშრომლობის პერიოდსაც ამ პროცესის ნაწილად მივიჩვენ. გზა კი გრძელია და ჯერ არ დასრულებულა. მადლობელი ვარ ცოდნისა და გამოცდილების ახალი ეტაპისთვის და ასევე მადლობელი ვარ საჭირო უნარ-ჩვევების შეძენისთვის. ასევე, რაც ყველაზე მთავარია, საკუთარ თავში არსებული ბარიერების და წინააღმდეგობის გადალახვისთვის. რწმენისთვის, რომ შეუძლებელი არაფერია და იმ ნდობისთვის რომელიც ზოგჯერ საკუთარი თავისადმი თავადაც არ გამაჩნია” – განაცხადა კურსის მონაწილე ანანაო ქარდავამ.
შეხვედრას ასევე ესწრევოდნენ :
თბილისის სასულიერო აკადემიისა და სემინარიის პრორექტორი, დეკანოზი ბესარიონ ცინცაძე.
თეოლოგიის ფაკულტეტის დეკანი – მღვდელი გიორგი ვაშალომიძე.
სამების საკათედრო ტაძრის არქიმანდრიტი იოანე მჭედლიშვილი.
ანჩისხატის ტაძრის წინამძღვარი, დეკანოზი არჩი ხაჩიძე.
