ჟურნალისტი, დათო ლიკლიკაძე მომღერალ ნუცა ბუზალაძეზე სოციალურ ქსელში წერს:
„უკვე სასწაულს შვება ეს გოგო. ამერიკელების ერთი ნაწილი შოკში ჰყავს, ხოლო დაბოღმილი მეორე ნაწილი კომაში. მიდი ნუცა გვასახელე ბოლომდე!“,- წერს დათო ლიკლიკაძე.
ნუცა ბუზალაძის მორიგ გამოსვლას American Idol-ში დიდი გამოხმაურება მოჰყვა. ნუცა ტოპ 24-შია. თუმცა, ჟიურიმ ნუცა ბუზალაძეს მორიგი წარმატება ცოტა უცნაურად ამცნო:
„ნუცა, ჩვენ არ გადაგიყვანეთ ტოპ 24-ში. შენი საოცარი ხმით და ვოკალით შენი თავი შენ თვითონვე გადაიყვანე ტოპ 24-ში. მესმის ეს ცოტა დამაბნეველია, მაგრამ გილოცავთ! შენ ტოპ 24-ში ხარ!”,- უთხრა კეტი პერიმ ნუცა ბუზალაძეს.
ნუცა ბუზალაძე მორიგი წარმატებული გამოსვლის შემდეგ გულშემატკივარს სოციალური ქსელის მეშვეობით მიმართავს.
„ტოპ 24 ამერიკის ვარსკვლავში!!! არ მჯეროდა, რთული გზა გავიარე აქამდე, განსაკუთრებით როცა ერთადერთი უცხოელი ხარ პროექტში…მაგრამ წინ ბევრი მაგარი გამოსვლა გველოდება💚მიყვარხართ ძალიან!“ – მიმართავს ნუცა გულშემატკივარს.
