„დავითიანნის“ მორიგი საინტერესო შეთავაზება პროექტში ჩართულ სკოლებს.
ახალგაზრდულმა მოძრაობა „დავითიანნმა“ მოზარდებს სასკოლო კლუბების დაფუძნებისა და მართვის შესახებ გადამზადება ჩაუტარა. მომზადების მთავარი მიზანი გახლდათ ახალგაზრდებისთვის ესწავლებინა თვითგამოხატვის, გუნდური მუშაობის, ლიდერობის, იდეის ფორმირებისა და განხორციელების საშუალებების გაცნობა და სწავლება.
პროექტში „წიგნიერი ლიდერი“ ჩართულ მოზარდებს „დავითიანნი“ სკოლებში ლიდერთა კლუბების დაფუძნებას სთავაზობს, რომლის საშუალებითაც სხვადასხვა მნიშვნელოვანი ღონისძიებები და აქტივობები განხორციელდება. როგორც „დავითიანნში“ აცხადებენ, კლუბებს ექნებათ ინდივიდუალური სახელები, ლოგოები, სლოგანები, მიზნები და ამოცანები.
სკოლის მოსწავლეები ასევე შეისწავლიან როგორ უნდა დაგეგმონ და განახორციელონ კლუბის დაფუძნებისა და სხვადასხვა ღონისძიებები. აღნიშნული აქტივობები ახალგაზრდებში ზრდის და ავითარებს მაღალ სამოქალაქო პასუხისმგებლობას, იდეის ფორმირების და საქმიანობის წარმართვის უნარ-ჩვევებს.
მაგალითისთვის პროგრამის ფარგლებში მსგავსი კლუბი უკვე დაფუძნდა 65-ე საჯარო სკოლაში. კლუბის სახელია – „მოაზროვნეთა კლუბი“. როგორც ახალგაზრდული მოძრაობა დავითიანნის პრეზიდენტმა კნსტანტინე სვანაძემ განაცხადა: „კლუბის წევრებმა წარმოადგინეს დაფუძნების საზეიმო ცერემონიალი, რომელიც იყო ბრწყინვალედ დაგეგმილი და შესრულებული. დიდი მადლობა 65-ე საჯარო სკოლის მოსწავლეებს, პედაგოგებს და რა თქმა უნდა დირექტორს – ქალბატონ ნინო მჭედლიშვილს, რომელთაც დიდი დახმარება გაუწიეს მოსწავლეებს, რომ მონაწილეობა მიიღონ ამ ახალგაზრდების განვითარებისთვის უმნიშვნელოვანეს პროცესებში. მზადობა დიდია და პროექტში მონაწილე სკოლების რაოდენობაც საკმაოდ დიდია. ჩვენ მაქსიმალურად შევეცდებით, რომ ყველა მონდომებული სკოლის ადმინისტრაციას და მოზარდებს დავუდგეთ გვერდში და მხარი დავუჭიროთ ამ მიმართულებით“ – აცხადებს დავითიანნის პრეზიდენტი
65-ე საჯარო სკოლის მოსწავლე მარიამ ამინაშვილი: „ყოველთვის ვფიქრობდი და მჭირდებოდა მსგავსი სახის პროექტი და დახმარება. იდეები მეგობრებს ყოველთვის ბევრი გვქვაქვს, მაგრამ ძალიან გვჭირდებოდა გამოცდილება და ცოდნა თუ როგორ განვახორციელოთ. ძალიან ბევრი ასეთი აქტოვობა არის საჭირო და სოწრედ ეს არის ის, რაც ახალ თაობას სჭირდება უკეთესი მომავლისთვის. დიდი მადლობა დავითიანნს, რომ ამ პროექტში მონაწილეობის შესაძლებლობა მომეცა.“
„დავითიანნის„ აქტივობებში კლუბების მონაწილეობა ფასდება ქულებით და გამარჯვებული კლუბის წევრები მოიპოვებენ ტაო-კლარჯეთის საგზურებს. 65-ე საჯარო სკოლის კლუბმა ამ ღონისძიებაში მაქსიმალური შეფასება 15 ქულა მიიღო. სკოლების ჩართულობის მიმართულებით მუშაობა გრძელდება.
ახალგაზრდული მოძრაობა დავითიანნი სრულიად საქართველოს კათოლიკოს-პატრიარქ ილია II ლოცვა-კურთხევით შეიქმნა და თითქმის 20 წელია ახალგაზრდებთან ერთად სხვადასხვა დროს სხვადასხვა პრობლემატურ საკითხებზე მუშაობს. „დავითიანნს სკოლებთან თანამშრომლობის მრავალწლიანი გამოცდილება აქვს, ასევე ანტინარკოტიკული მიმართულებით მუშაობის, ცხოვრების ჯანსაღი წესის პოპულარიზაციისა და წიგნიერების მიმართულებით არაერთი წარმატებული პროექტი განუხორციელებია. „დავითიანნი“ აგრძელებს ამ მიმართულებით მუშაობას და ქართული საზოგადოების მხარდაჭერას“ – აცხადებს დავითიანნის პრეზიდენტი.
