ჰოლივუდის ვარსკვლავი რობერტ დე ნირო 79 წლის ასაკში მეშვიდე შვილის მამა გახდა
ინტერვიუს დროს, ჟურნალისტმა დე ნიროს შვილების შესახებ შეკითხვა ასე დაიწყო: „ვიცი, რომ 6 შვილი გყავთ“, მსახიობმა კი გააწყვეტინა და უთხრა, რომ უკვე ცოტა ხნის წინ მეშვიდე შვილი შეეძინა.
აკადემიის უმაღლესი ჯილდოს მფლობელ მსახიობს წინა ურთიერთობებიდან 6 შვილი ჰყავს. დე ნიროს და მის პირველ ცოლს, Diahnne Abbott-ს ქალიშვილი, 51 წლის დრენა და 46 წლის ვაჟი, რაფაელი ჰყავთ. 1995 წელს რობერტს ყოფილ მეგობარ გოგონასთან, მოდელთან და მსახიობთან Toukie Smith-თან ტყუპი ბიჭები, ჯულიენი და აარონი შეეძინა. დე ნიროს ასევე ჰყავს 24 წლის ვაჟი ელიოტი და 11 წლის ქალიშვილი ჰელენ გრეისი, ყოფილ მეუღლესთან, Grace Hightower-თან.
მან ილაპარაკა იმის შესახებ, თუ როგორ ხედავს მშობლის როლს შვილთან მიმართებაში და განაცხადა, რომ ბავშვებთან ურთიერთობისთვის რაიმე მზა რეცეპტი არ არსებობს.
“არ მიყვარს კანონის და მსგავსი რამის დაწესება. მაგრამ, [ზოგჯერ] უბრალოდ, არჩევანი არ გაქვს”, – თქვა დე ნირომ.
“და ნებისმიერი მშობელი, ვფიქრობ, იტყვის იგივეს. ყოველთვის გვინდა, რომ სწორად მოვიქცეთ ბავშვების წინაშე, მაგრამ ზოგჯერ ამას ვერ ვახერხებთ,” – დასძინა მსახიობმა.
