საერთო ინტერესები, უნარები და გეგმები აუცილებლად განსაზღვრავს ორი ან მეტი ადამიანის გზების გადაკვეთას – მათ შორის, საერთო სამომავლო საქმიანობას. სწორედ ასეთ ამბავს გაგაცნობთ ამ მასალაში.
Soap Opera . საპნის ოპერა – ამ სახელწოდების ქვეშ ერთიანდება ნაწარმი, რომელსაც ქმნიან ქართველი და უკრაინელი მწარმოებლები – ლაშა შავგულიძე და ტატიანა ოსოკინა.
ტატიანა დაიბადა და გაიზარდა უკრაინის ოკუპირებულ ქალაქ ლუგანსკში. საქართველოში კი 2022 წლიდან ცხოვრობს. დღესდღეობით, ისინი ერთად ამზადებენ როგორც დეკორატიულ, ასევე – სამკურნალო საპნებს. ისინი „თბილისი თაიმსს“ ესაუბრნენ.
„დეკორატიული საპნის შემადგენლობაა: გლიცერინი, სალიცინის მჟავა, საკვები საღებავები და საკვები არომატები, ხოლო რაც შეეხება სამკურნალო საპონს – არის 100%-ით ნატურალური, რადგან ჩვენ ვიყენებთ ისეთ დანამატებს, როგორებიცაა: ქოქოსის ზეთი; ჩვენ მიერ დამზადებული, სხვადასვა ყვავილის ექსტრანტები, გამხმარი ყვავილები დ.ა.შ, თვითონ საპნის ბაზასაც ვამზადებთ ჩვენით, NaOH და სხვადასხვა ზეთს, მაგალითად – ქოქოსის, ნუშის, ქაცვის, ლავანდის და ბევრი სხვა“.
როგორც მწარმოებლებმა აღნიშნეს, ჯერჯერობით, მათ ნაწარმს ბევრი მომხმარებელი არ ჰყავს, თუმცა, ყველა, ვინც საპნებს იყენებს, ხარისხითა და შედეგით კმაყოფილია.
„ძალას გვმატებს ხალხის რეაქცია სხვადასხვა ღონისძიებაზე. გეცოდინებათ, თუ რამდენად სასიამოვნოა თბილი და ოპტიმისტური სიტყვების მიღება ათასობით დამსვენებლისგან.
ჩვენ უკვე დიდი ხანია, ვგეგმავთ – დავიწყოთ აბაზანის ბომბების, სკრაბების და არომატული სანთლების დამზადება, მაგრამ ჯერჯერობით არ გამოგვდის ისეთი ხარისხის, როგორსაც იმსახურებს ჩვენი მომხმარებელი“.
„თბილისი თაიმსთან“ საუბრისას, მათ განმარტავს, რომ სხვადასხვა თემატიკის საპნებს ამზადებენ, რათა ასიამოვნონ ყველა მომხმარებელი, როგორც ადგილობრივი – ასევე, ტურისტები.
