უკრაინის თავდაცვის მინისტრის მოადგილე, ანა მალიარი ტელეგრამ არხზე წერს, რომ ბახმუტის გარეუბანში უკრაინული ჯარები წინსვლას აგრძელებენ – “ვითარება დინამიურად ვითარდება ბახმუტის მიმართულებით. ჩვენი ჯარი ბახმუტის გარეუბანში ეტაპობრივად მიიწევს ორი მიმართულებით. ახლა კონკრეტული ციფრები არ იქნება, რადგან აქტიური საომარი მოქმედებები მიმდინარეობს . ჩვენი ჯარები ანადგურებენ მტერს და უკვე საკმაოდ ბევრი ტყვედ აიყვანეს.” წერს მინისტრის მოადგილე და დასძენს, რომ თავად ბახმუტში “სიტუაცია უფრო რთულია”, მაგრამ მტერი ვერ ახერხებს ქალაქის კონტროლს”.