ფინანსთა სამინისტროს საგამოძიებო სამსახურის ცნობით, პასუხისგებაში მისცეს 2 პირი, რომლებიც Adidas-ისა და Nike-ის მარკით ქალისა და კაცის სპორტულ ტანსაცმელს ამზადებდნენ და სავაჭრო ობიექტებზე აბარებდნენ.
მათი ცნობით, ბრალდებულებს ქვემო ქართლში 3 ლოკაციაზე ჰქონდათ სამკერვალოები მოწყობილი, სადაც ტანსაცმელებს კერავდნენ. ჯამში 641 ცალი ტანსაცმელი ამოიღეს.
გამოძიება სისხლის სამართლის კოდექსის 196-ე მუხლის მე-3 ნაწილით მიმდინარეობს, რაც დიდი ოდენობით სხვისი სასაქონლო ნიშნის მართლსაწინააღმდეგო გამოყენებას გულისხმობს. დანაშაული 3-დან 5 წლამდე ვადით პატიმრობას ითვალისწინებს.
