ბათუმში, აკვაპარკის მიმდებარე ტერიტორიაზე ზღვაში, მაშველებმა მოზარდის ცხედარი გუშინ იპოვეს. ცხედარი ექსპერტიზის ბიუროში გადაასვენეს.
უბედური შემთხვევის შედეგად დაღუპული მოზარდი, 12 წლის საბა თებიძეა, რომელიც ბათუმში ცხოვრობდა.
ის საბანაოდ მეგობრებთან და ნათესავთან ერთად იმყოფებოდა.
წინასწარი ინფორმაციით მაშველებმა სამძებრო სამუშაოები მოზარდის წყალში გაუჩინარების შესახებ შეტყობინების საფუძველზე დაიწყეს.
“ტალღებმა შეითრია და ვეღარ უშველეს. მეგობრებთან და დეიდაშვილთან ერთად იყო დღეს წასული ზღვაზე… შემზარავი სანახაობა იყო… ვერ გამოასწრო გამოსვლა…” – ვრცელდება ინფორმაცია სოციალურ ქსელში.
