სამეგრელოში არასრულწლოვანთან სექსუალური კავშირისთვის დაკავებულ 53 კაცს სასამართლომ პატიმრობა შეუფარდა. პროცესი ზუგდიდის რაიონულ სასამართლოში დღეს, 2 ივლისს გაიმართა.
დაცვის მხარე 100,000 ლარიანი გირაოს სანაცვლოდ გათავისუფლებას ითხოვდა, თუმცა მოსამართლემ შუამდგომლობა არ დააკმაყოფილა. პროცესი დახურულ ფორმატში მიმდინარეობდა.
დაკავებული ბრალს არ აღიარებს. 13 წლის მოზარდზე სექსუალური ძალადობის ბრალდებით კაცი 29 ივნისს დააკავეს.
არსებული ინფორმაციით, 13 წლის მოზარდი 4 თვის ორსულია. ბრალდებული ბრალს არ აღიარებს. საქმეზე გამოძიება 137 მუხლის მე-4-ე ნაწილის “გ” ქვეპუნქტით გრძელდება, რაც წინასწარი შეცნობით არასრულწლოვანის გაუპატიურებას გულისხმობს. ბრალის დამტკიცების შემთხვევაში კაცს 15-დან 20 წლამდე ან უვადო პატიმრობა ემუქრება.
