ვენეციაში იპოვეს ძაღლი სახელად კომპისი, რომელიც ნორვეგიაში დაიკარგა. ამის შესახებ ნორვეგიული გამოცემა TV2 იტყობინება.
მათი ცნობით, ძაღლის პატრონმა მარი კარლსენმა განაცხადა, რომ კომპისთან ერთად სახლის ეზოში თამაშობდა, მაგრამ ძაღლი გზისკენ გაიქცა და აღარ დაბრუნებულა. მარიმ კომპისის ძებნა დაიწყო, თუმცა უშედეგოდ. მალევე ქალმა პოლიციას მიმართა და ძაღლის გაუჩინარების შესახებ სოციალურ ქსელებშიც დაწერა.
19 დღის შემდეგ კი მარის იტალიელმა ვეტერინარმა დაურეკა და შეატყობინა, რომ მისი ძაღლი ვენეციაშია. ძაღლი ექიმთან იტალიელმა წყვილმა მიიყვანა, რომელმაც გადაწყვიტა, რომ ის ადგილობრივებმა დაკარგეს. ჩიპზე ინფორმაციის შემოწმების შემდეგ კი აღმოჩნდა, რომ კომპისი ნორვეგიაში ცხოვრობს.
ზარის შემდეგ მარი ვენეციაში გაემგზავრა და კომპისი სახლში დააბრუნა. უცნობია როგორ აღმოჩნდა ძაღლი იტალიაში.
