ასპინძაში, სოფელ ნაქალაქევში მცხოვრებ 28 წლის გიმზერ კაველიძეს ორ თვეზე მეტია ეძებენ. ინფორმაციას ადგილობრივი გამოცემა “სამხრეთის კარიბჭე” ავრცელებს.
დაკარგული ახალგაზრდას დედის თქმით, მტკვარში ნაპოვნი ჩანთა, რომელიც ამ პერიოდში ნაპოვნი ერთადერთი მტკიცებულებაა, ნამდვილად მის შვილს ეკუთვნის.
ცნობისთვის, ახალგაზრდა 5 მაისს დაიკარგა. ის ბოლოს სოფელ თმოგვის მიმდებარედ, მტკვართან ნახეს. გავრცელებული ვერსიით, იგი მდინარეზე ბარგით გადასვლას ცდილობდა, რა დროსაც წყალში ჩავარდა. მომხდართან დაკავშირებით შინაგან საქმეთა სამინისტრომ სსკ-ის 115-ე მუხლით გამოძიება დაიწყო, რომელიც თვითმკვლელობამდე მიყვანას გულისხმობს.
