ირაკლი საბანაძე და მისი კასკადიორთა ჯგუფი რაჭაში მოხალისეებად ჩავიდნენ
ქართველ კასკადიორთა ჯგუფი, ირაკლი საბანაძის ხელმძღვანელობით, შოვში სტიქიის ზონაში, მაშველებთან ერთად, დაკარგულ ადამიანებს ეძებს.
ისინი რაჭაში მოხალისეებად ჩავიდნენ და ადგილობრივ მოსახლეობასთან ერთად ძებნის სამუშაოებში ჩაერთნენ. ჯგუფში არიან ექიმები, ალპინისტები და ყოფილი მაშველები. თავად ირაკლი საბანაძესაც, რომელსაც რადიო თავისუფლება ესაუბრა, მაშველად მუშაობის 11-წლიანი გამოცდილება აქვს.
ამ წუთებში მისი გუნდი სტიქიის ეპიცენტრიდან ოდნავ ქვემოთ, მდინარის ხეობას მიუყვება და როგორც გვიყვება, ყველა ადგილს დეტალურად ათვალიერებენ.
„უბრალოდ, ურთულესი პირობებია, ძალიან დიდი ტერიტორიაა მოყოლილი სტიქიის ზონაში. ჩვენც ჩავედი თ თუ არა შოვში, წყალში შევედით და მას მერე ვეძებთ. ვცდილობთ, რომ რაც შეგვიძლია, მაშველებს შრომა შევუმსუბუქოთ. იქნებ ვინმე ცოცხალ ადამიანს მივაგნოთ და გადავარჩინოთ“, –გვითხრა ირაკლი საბანაძემ.
ყოფილი მაშველი გვიყვება, რომ ყველგან დიდი ტალახია, ყველგან ღვარცოფის მიერ ჩამოტანილი დიდი ხეები ყრია, ფიზიკურად ფეხზე დგომაც კი რთულია:
„ლაპარაკიც მიჭირს ახლა, რადგან შეიძლება ფეხი დამიცურდეს და დავეცე. ძალიან ცუდი სიტუაციაა“, –გვითხრა მან.
წყარო : რადიო თავიაუფლება