შოვში მყოფ შინაგან საქმეთა მინისტრ ვახტანგ გომელაურს სტიქიის რისკების შეფასებისა და ადამიანური მსხვერპლის თავიდან აცილების შესახებ ჰკითხეს, რაზეც მან მედიას უპახუხა:
„ბუნებრივი შემთხვევაა და ყველგან შეიძლება მოხდეს. არა მარტო აქ. მინდა ხაზი გავუსვა – ჩვენ ვართ კავკასიონის ქედზე მცხოვრები ერი. ასე რომ მივყვეთ, რატომ არ იყო დაყენებული მოწყობილობები… ჩვენ სადაც ვცხოვრობთ არის წამების თემა. ათასობით ოჯახია რომლებიც უნდა გავასახლოთ მაშინ. პირდაპირ გეუბნებით – დაწყებული ლაგოდეხიდან, ყვარლიდან, დამთავრებული აქამდე და ყაზბეგამდე ჩასული. ყველგან შეიძლება რაღაც მოხდეს, წყალი ადიდდეს. ვერ გავექცევით ამას.
მსოფლიოშია ასე. რაც მოხდა ჰავაიზე, აგერ 100 ადამიანი დაიწვა და 100-ზე მეტი დაკარგულია. ამერიკაა, ჩვენზე ბევრად ძლიერი ქვეყანაა, ვერტმფრენებიც ჰყავთ, ჩვენზე მაგარი ავიაციაც ჰყავთ, მაგრამ მოხდა, ხდება, ბუნებაა“, – განაცხადა ვახტანგ გომელაურმა.
ხოლო კითხვაზე, შეიძლებოდა თუ არა ადამიანური ტრაგედიის აცილება, განაცხადა:
„ეს არის იმაზე, თუ რა სიჩქარით მოძრაობდა – თუ ერთ წუთში ჩამოვიდა მეწყერი, ვერაფერს ვერ აიცილებდი და თუ ვთქვათ მოუნდა 10-12 წუთი, ეს უკვე ექსპერტებმა უნდა თქვან. მიმდინარეობს გამოძიება“, – ამბობს ვახტანგ გომელაური.
