სტიქიის ზონაში სამძებრო სამუშაოები მეცამეტე დღეა აქტიურად მიმდინარეობს. სტიქიის ზონაში მეხანძრე – მაშველები უწყვეტ რეჟიმში აგრძელებენ სამძებრო სამუშაოებს.
სამძებრო სამუშაოები მიმდინარეობს როგორც სტიქიის ეპიცენტრში, ასევე მდინარეების – რიონის და ჭანჭახის კალაპოტში.
ამ დროისთვის სტიქიის ეპიცენტრში, მიწის მასის 90 % გადამოწმებულია. სამძებრო სამუშაოებში ჩართულია როგორც ცოცხალი ძალა, ასევე, მძიმე ტექნიკა და მცურავი საშუალებები. სამძებრო ღონისძიების ფარგლებში ნაპოვნია 25 ადამიანის ცხედარი და 8 პირთან დაკავშირებით გრძელდება სამძებრო სამუშაოები.
„შოვი, უბრალო ქართველები. ისინი ვის მხრებზეც რეალურად დგას საქართველო… მადლობა ძმებო შრომისა და თავდადებისთვის“,- წერს ერმილე ნემსაძე და მაშველების ფოტოს აქვეყნებს.
„ჩვენი დროის გმირები ხართ“; უფალმა დაგილოცოთ ყველა თქვენგანს ოჯახი. უფალმა ჯანმრთელები გამყოფოთ ბიჭებო. მიხარია რომ თქვენ არსებობთ.. მიყვარხართ ყველანი“,- წერენ მოქალაქეები.
