2013 წლის 1 დეკემბრის მდგომარეობით, საქართველოს საბანკო სექტორი 21 კომერციული ბანკითაა წარმოდგენილი; მათ შორის 18 – საწესდებო კაპიტალში უცხოური კაპიტალის მონაწილეობით და 2 – უცხოური ბანკის ფილიალით.
როგორც სებ-მა თბილისი თაიომსს აცნბეს წინა თვესთან შედარებით, საქართველოს კომერციული ბანკების მთლიანი აქტივები (მიმდინარე ფასებში) 0.8 მლრდ ლარით, ანუ 4.9%-ით გაიზარდა და 16.5 მლრდ ლარი შეადგინა. საბანკო სექტორის საკუთარი სახსრები 2.9 მლრდ ლარს შეადგენს, რაც კომერციული ბანკების მთლიანი აქტივების 17.5%-ია.
უცხოური კაპიტალის მონაწილეობამ ბანკების მთლიან განაღდებულ საწესდებო კაპიტალში 77.1 %-ი შეადგინა.
გასული თვე საბანკო სექტორმა მოგებით დაამთავრა. ნოემბრის თვის წმინდა მოგებამ 81.4 მლნ ლარი შეადგინა.
ხუთი უმსხვილესი აქტივების მქონე ბანკის წილმა საბანკო სექტორის მთლიან აქტივებში 77.1%-ი შეადგინა.
25.12.13
