ქართველმა ქალმა, რომელმაც იტალიაში შვილი მშობიარობიდან მალევე მიატოვა, შვილის აღიარება ითხოვა და მოიპოვა. – ამის შესახებ იტალიური მედია წერს.
შემთხვევა გასულ კვირას მოხდა. 23 წლის ქართველმა, ბავშვი გააჩინა და შემდეგ, ქალაქ ტარანტოს ცენტრში, ნაგვის ურნის გვერდით დატოვა. ახალშობილი გამვლელმა იპოვა და შესაბამის სამსახურს აცნობა.
იტალიურ მედიაში გავრცელებული ინფორმაციის თანახმად, ქართველი ქალი ტარანტოში 97 წლის მოხუცთან მომვლელად მუშაობდა. მან შვილი მოხუცის აბაზანაში გააჩინა. როგორც შემდგომში მან განაცხადა, ბავშვის დატოვების გადაწყვეტილება სამსახურის დაკარგვის შიშით მიიღო. მას საქართველოში 4 წლის შვილი ჰყავს.
როგორც ცნობილია, 23 წლის ახალგაზრდის საქმით საქართველოს საელჩოც დაინტერესდა. პარალელურად მიმდინარეობს სისხლის სამართლის საქმე, რომელიც 23 წლის ახალგაზრდას არასრულწლოვნის მიტოვების ფაქტზე აწარმოებს.
ქართველმა ქალმა, შვილის აღიარება ითხოვა და მოიპოვა. დედა-შვილი უკვე შეხვდა ერთმანეთს. ლორენცომ დედის ძუძუდან საკვები მიიღო, თუმცა შეძლებს თუ არა დედა შვილთან ურთიერთობის გაგრძელებას, ამას არასრულწლოვანთა სასამართლო გადაწყვეტს. მან შვილის დაბრუნების თაობაზე ოფიციალური განაცხადი, როგორც ადვოკატმა განაცხადა, 18 ივლისს მოითხოვა.
