ანაკლიაში, 3 წლის ბავშვი მდინარე ენგურში ჩავარდა. შემთხვევა რამდენიმე წუთის წინ მოხდა. ცნობილია, რომ მისი მდგომარეობა მძიმეა. ის ჭითაწყარის საავადმყოფოშია გადაყვანილი – ექიმები მის გადასარჩენად იბრძვიან.
ცნობილია, რომ ბავშვი დედასთან ერთად სტუმრად ბაბუასთან იყო. თვითმხილველების ცნობით, ის სახლის ეზოში, მდინარის პირას თამაშობდა, რა დროსაც წყალში ჩავარდა. მცირეწლოვანი მდინარიდან რამდენიმე წუთში ამოიყვანეს და კლინიკაში კრიტიკულ მდგომარეობაში მყოფი პოლიციის თანამშრომლებმა გადაიყვანეს. თვითმხილველები ამბობენ, რომ ანაკლიიდან ზუგდიდამდე მარშრუტი პოლიციის მანქანამ, ბავშვის გადასარჩენად, რამდენიმე წუთში გაიარა.
შენიშვნა: ფოტო ზოგადია და არ ასახავს შემთხვევის ადგილს
ავტორი: ემა გოგოხია
წყარო : მთავარი არხი
