„გოგო, რომელმაც სიკვდილზე გაიმარჯვა, პირველკლასელი გამხდარა“ – პატარა მაშო, რომელიც შოვის სტიქიას ბიძასთან ერთად გადაურჩა, სკოლაში მივიდა

6 წლის მაშო გალუაშვილი, რომელიც 3 აგვისტოს, შოვში მომხდარ სტიქიას ბიძასთან – დავით ჯელაძესთან ერთად გადაურჩა, დღეს სკოლაში პირველად წავიდა.

პატარა მაშოს ფოტოს, რომელიც სკოლის ეზოშია გადაღებული, დავით ჯელაძე სოციალურ ქსელში აქვეყნებს:

„მაშო პირველ კლასელია“, – წერს დავით ჯელაძე.

„გოგო, რომელმაც სიკვდილზე გაიმარჯვა, პირველკლასელი გამხდარა! ვულოცავ მას და ყველა პირველკლასელს“, – წერს ნინო ვაშალომიძე.

სოციალური ქსელის მომხმარებლები პატარა მაშოს წარმატებულ სასწავლო წელს უსურვებენ:

„საოცრებაა ეს გოგო“, „ძალიან დიდ წარმატებებს გისურვებთ“ – წერენ კომენტარებში.