ირანის პარლამენტმა დედაქალაქის თეირანიდან სხვა ქალაქში გადატანის გეგმის შემცველი კანონპროექტი დაამტკიცა.
ოფიციალური საინფორმაციო სააგენტო IRNA იუწყება, რომ პარლამენტში გამართულ კენჭისყრაზე 214 დეპუტატიდან აღნიშნული კანონპროექტის გეგმას მხარი 110-მა დაუჭირა.
გეგმის ფარგლებში შესაქმნელი საბჭო ორი წლის განმავლობაში იმსჯელებს დედაქალაქისათვის შესარჩევი ალტერნატიული ქალაქის შესახებ.
კანონპროექტი არ შეიცავს რეკომენდაციას რომელიმე ქალაქის თაობაზე.
გეგმის მხარდამჭერებს 12 მილიონიანინი თეირანიდან დედაქალაქის გადატანა ხალხმრავლობის, დაბინძურებული ჰაერის, გადატვირთული სატრანსპორტო მოძრაობისა და მიწისძვრის რისკის გამო სურთ.
ირანის მთავრობა კი გეგმას ეწინააღმდეგება.
27.12.13
