მე თქვენი მოქალაქე არ ვიყავი, ანგარიშები შუა ანაკლიის პორტის მშენებლობაში რომ დამიხურეთ? – ამ კითხვით მიმართა, “ლელოს” ლიდერმა, მამუკა ხაზარაძემ სებ-ის პრეზიდენტის მოვალეობის შემსრულებელ ნათია თურნავას “ტვ პირველის” ეთერიდან.
“ამ გადაწყვეტილებას ასაღებენ თითქოს ჩვენ მოქალაქეებს ანგარიშებს არ დაუხურავთო.
პარალელის გავლება არ მინდა ჩემ საქმესა და ამ შემთხვევას [ოთარ ფარცხალაძის] შორის, მაგრამ მე თქვენი მოქალაქე არ ვიყავი, ანგარიშები შუა ანაკლიის პორტის მშენებლობაში რომ დამიხურეთ?
მათ არც სასამართლო გადაწყვეტილება ჰქონდათ და არაფერი, მაგრამ ანგარიშები მე და ბადრი ჯაფარიძეს დაგვიხურეს, გარდა იმისა, რომ ყველა ქონება დაგვიყადაღეს.
როცა ბიძინა ივანიშვილმა თქვა, “რა უნდათ ამერიკელებს შავ ზღვაში” – დარწმუნებული ვარ ეს ბევრმა ხუმრობით მიიღო, მაგრამ ეს იყო ქვეცნობიერის და ნამდვილი მისი მიზანი, თუ რა უნდა ამ ქვეყანას გაუკეთოს”, – განაცხადა მან.
