ისრაელზე „ჰამასის“ თავდასხმის შედეგად დაღუპულთა რაოდენობამ 1 000 ადამიანს გადააჭარბა.
ამის შესახებ ინფორმაციას აშშ-ში ისრაელის საელჩო “ტვიტერის” გვერდზე ავრცელებს.
მათი ცნობით, გარდაცვლილია 1 008 ადამიანი, ხოლო როგორც მინიმუმ 3 418 დაჭრილია.
ისრაელის თავდაცვის ძალებში აღნიშნეს, რომ მათ არ შეუძლიათ საელჩოს მიერ გავრცელებული ციფრების “დადასტურება ან უარყოფა”.
ისრაელის თავდაცვის ძალების სპიკერმა CNN-თან საუბარში აღნიშნა, რომ მათთვის 900 გარდაცვლილის შესახებ არის ცნობილი.
