კოცნა ქაოსის ფონზე. ამიტ ბარი და მისი მეგობარი ბიჭი, ნირ დე ჯორნო დარწმუნებულნი იყვნენ, რომ ისინი დაიხოცებოდნენ, ამიტომ მათ გადაიღეს ეს სელფი, ბუჩქებში დამალვისას, „ჰამასის“ ტერაქტის დროს.
საბედნიეროდ, ისინი გადარჩნენ, მაგრამ გადაწყვიტეს, ფოტო გაეზიარებინათ სოციალურ ქსელებში, რათა ეჩვენებინათ ოჯახებისა და მსოფლიოსთვის, თუ როგორ უყვარდათ ერთმანეთი.
ამიტის გრძელი და ამაღელვებელი პოსტი: “ჩემო სიყვარულო…”
„ჩემო სიყვარულო, ჯერ კიდევ შეუძლებელია შევაჯამო ის, რაც იქ გავიარეთ და სანამ სახლში არ მივალთ, არაფერი დამთავრდება. მაგრამ ჩვენ აქ ვართ სასწაულით. ყველაფერი რაკეტებით დაიწყო, იყო სტრესი, მაგრამ მაინც მოვახერხე გამემხნევებინა და საკუთარ თავს ვუთხარი, რომ არის ალბათობა, რომ ეს ყველაფერი ჩვენთვის რაიმე მიზეზით მოხდა და ყველაფერი კარგად იქნება“, – დაიწყო გოგონამ თავის პოსტში. რომელიც ძალიან მოკლე დროში გახდა ვირუსული და გავრცელდა მთელ მსოფლიოში.
უდაბნოდან გაქცეულებმა ბუჩქებში იპოვეს თავშესაფარი და გოგონამ გაიხსენა ის საშინელი მომენტები, როდესაც მართლა ეგონა, რომ კვდებოდა: ”ჩვენ ვცდილობდით მანქანის ტარებას მანამ, სანამ ყველაფერი არ დაიბლოკებოდა, ყველას გაქცევა სურდა. ასე რომ, ჩვენ დაველოდეთ, სანამ ვითარება განიმუხტებოდა და ადგილზე დავწექით, მაგრამ შემდეგ ხალხმა დაიწყო სირბილი და ყვირილი, რომ იქ ტერორისტები იყვნენ“.
სიტუაცია უფრო და უფრო სასტიკი ხდებოდა: „ჩვენ ცხვრებივით გავიქეცით სასაკლაოზე, მინდორში გავიქეცით და გვესმოდა ტყვიების სროლა, ხალხის დაცემა და თუ ჩვენს უკან ***** ტერორისტები მოტოციკლებით ცდილობდნენ ჩვენს მოკვლას. როცა გითხარი, რომ ძალა აღარ მქონდა, მითხარი, რომ არჩევანი არ გვქონდა და უნდა გაგვეგრძელებინა სირბილი“.
როგორც კი მოშორდნენ, ბუჩქებში დაიმალნენ იმ იმედით, რომ ტერორისტები მათ არ დაინახავდნენ: „ტერორისტები გადიოდნენ და ისროდნენ, სადაც შეეძლოთ. ჩვენ ყველაფერი გავაკეთეთ, რომ მშვიდად დავრჩენილიყავით და ჩუმად ვყოფილიყავით“.
კოცნის იდეა
ამიტმა განაგრძო ისტორია და შოკში ჩავარდა, როცა ბიჭმა სელფის გადაღება სთხოვა. თავიდან მან ვერ გაიგო მისი თხოვნა, მაგრამ შემდეგ აუხსნა: „უცებ თქვი, რომ სელფის გადაღება გინდოდა, მე კი გავბრაზდი, რადგან იმ მომენტში ვერ მივხვდი, რა კავშირში იყო. მხოლოდ მოგვიანებით მივხვდი, რომ ჩვენ რომ მოვკვდებოდით, ჩვენი ოჯახი, სულ მცირე, ბოლო მომენტამდე შეინარჩუნებდა ხსოვნას, რომ ერთმანეთი გვიყვარდა. შენ შენი სხეულით დამიცავი და მე ვფიქრობ ყველა სხვა წყვილზე, რომელსაც ჩვენგან განსხვავებული დასასრული აქვს“.
პოსტი დასრულდა ფიქრით მათ მეგობარ ზივაზე, რომლის შესახებაც შაბათს გაიგეს, მაგრამ აღარასოდეს ნახავენ. ”შეუძლებელია იმის მონელება, რაც განვიცადეთ, ჩვენ ვაგრძელებთ ლოცვას, რომ ზივი სახლში დაბრუნდეს”, – დაასკვნა ამიტმა.
