“ყოფილი ცოლი შვილების ნახვას უკრძალავდა, გზააბნეული დადის, შვილი მოუკლეს,“ – ამის შესახებ „ტვ პირველთან“ 14 წლის მოკლული გოგოს მამის, ისა შახმაროვას ძმა საუბრობს.
„წასულია ჩემი ძმა, შვილის საფლავს აკეთებინებს, დადის გზააბნეული… 14 წლის შვილი მოუკლეს, რაც სათქმელი ჰქონდა გუშინ უთხრა გამომძიებლებს.
დაზარალებულია თვითონაც 1 წელი შვილს არ აჩვენებდა ყოფილი ცოლი, უკრძალავდა ნახვას, რა უნდა სცოდნოდა ამას. დმანისში მოჰკითხეთ ხალხს ყველაფერი“, – ამბობს ისა შახმაროვის ძმა.
ცნობისთვის, რუსთავის საქალაქო სასამართლომ საგარეჯოში მოკლული 14 წლის გოგოს დედას აღკვეთის ღონისძიების სახით პატიმრობა შეუფარდა. პროკურატურამ ქორწინების იძულებისა და დანაშაულის შეუტყობინებლობისთვის მას ბრალდება წარუდგინა.