კომფორტისა და დროის სწორად გამოყენების საუკუნეში ადამიანები ფიქრობენ, რა ნაბიჯები გადადგან, რომ ყოველდღიურობა გაცილებით ნაყოფიერი იყოს. მომსახურების სფეროს წარმომადგენლები იღებენ გადაწყვეტილებებს, რომლებიც ყველასთვის თანაბრად მომგებიანია.
„ლანჩობა“ საქართველოში პირველი ციფრული კაფეტერიაა. ის 2018 წლიდან არსებობს. მისი ინტერესის სფერო ადამიანებისთვის ლანჩის უზრუნველყოფაა -სასურველი დროისა და მენიუს გათვალისწინებით. ამ ეტაპზე, შესაბამისი მომსახურებით სარგებლობა შესაძლებელია მხოლოდ თბილისის მასშტაბით. კორპორატიული გაყიდვების ხელმძღვანელი, გიორგი მაჭარაშვილი „თბილისი თაიმსს“ ესაუბრა.
რას ითვალისწინებს თქვენი საქმიანობა – რა არის ძირითადი მიმართულება?
„ლანჩობა“ არის ციფრული კაფეტერია, აპლიკაციის დახმარებით სარგებლობენ კომპანიები თავიანთი თანამშრომლებისათვის ლანჩის უზრუნველსაყოფად. მომსახურებით სარგებლობენ კომპანიების თანამშრომლები, რომლებსაც შეუძლიათ, თავად დაგეგმონ და შეუკვეთონ ლანჩის მიწოდება მათთვის ხელსაყრელ დროს.
რამდენად ხშირად სთავაზობთ მომხმარებლებს სიახლეებს?
აპლიკაცია საშუალებას გვაძლევს, ჩვენს მომხმარებლებს ყოველდღიურად შევთავაზოთ განახლებული ძირითადი მენიუ, დამატებითი პოზიციები (გარნირები, სალათები, დესეტრები) ყოველკვიურეულად განვაახლოთ. ჩვენი შეფი მუდმივად მუშაობს ახალი კერძების შექმნასა და აპლიკაციაში მომხარებლებისათვის შეთავაზებაზე.
ამ ეტაპზე, კონკრეტულ სიახლეზე თუ მუშაობთ?
ვფიქრობთ და გეგმაში გვაქვს დამატებით ახალი ობიექტის გახსნა, რაც საშუალებას მოგვცემს, გავზარდოთ დასაქმებულების რაოდენობა. ახალი ობიექტი გაგვიზრდის შესაძლებლობას, დავიმატოთ მეტი კომპანია და მივცეთ მომხმარებლებს შესაძლებლობა, უფრო სწრაფად მიიღონ თავიანთი შეკვეთა.
